YMA Khawmpui lian inbuatsaihna hmawr bawk tan

YMA Khawmpui lian inbuatsaihna hmawr bawk tan

LUNGLEN BUREAU, October 9
Mizote huap tlawmngai pawl lian ber YMA Inkhawmpui lian, October ni 15 atanga N. Vanlaiphai Public Playground a ‘CHHURBURA RUN’ a neih tur inbuatsaihna chuan a vawrtawp thleng chho mek a, a hmunhma tul zawng zawng peihfel thawkhat tawh a ni.

He khawmpui neih na tur ‘CHHURBURA RUN’ sakna atan hian N.Vanlaiphai leh hmun hrang hrang atangin tha 1400 chuang sen tawh a ni a. Tunah hian hna tul zualpui chu zawh fel thawkhat tawh niin, tunkar chhung hian Pandal chhung cheimawi leh sulhnu pawr zual chei mam a, thil engkim a nih dan tur ang taka tihfel hman tawh tura ruahmanna siam a ni.

Hetih lai hian, a vawi hnih nan Inrinni khan Central YMA Programme Committee chuan, an Chairman Pu Peter Chhakchhuak, CYMA Asst. Secretary ni bawk hoin member 6 te nen he inkhawmpui atana inbuatsaihna te N. Vanlaiphaiah hian langa kalin, an enpui a. He inkhawmpui atana hmalakna leh inbuatsaihna te tha an tih thu leh Pathian hruaina zara a hun takah, ruahmansa anga tluang taka he khawmpui hi neih theih ngei an beisei thu te an sawi bawk.

He YMA General Conference hi a vawi 72 na tur niin, a thleng tur N. Vanlaiphai mipuite pawhin nghakhlel leh phur taka he hun hi an thlir mek a ni.

Share post:
avatar
  Subscribe  
Notify of