WTA Finals-ah Pliskova-in Wozniacki a hneh nghal

WTA Finals-ah Pliskova-in Wozniacki a hneh nghal

LUNGLEN SPORTS
Singapore-ah chawlhni zan atangin a thiam pariat inelna WTA Finals khelh a ni a, Karolina Pliskova chuan champion lai Caroline Wozniacki hneh nghalin bul a tan tha hle.

Czech world number eight Pliskova hian set hloh lovin hnehna a chang a, darkar khat leh minute 32 an inkhelh hnuah 6-2 6-4 in Wozniacki lakah a chak a ni.

World number one Simona Halep leh Serena Williams an tel thei lo va, White Group-a seed sang ber leh Australian Open champion Wozniacki chuan rin kai mah se a tir atangin harsatna a tawk a, Pliskova nen an inkhelh chhungin break point vawi 10 nei mah se a tlang zo lo vek a ni.

Semifinal lut thei turin Pliskova-in rahbi pawimawh tak a tuk ve thung a, White Group-a awm player pali zingah hmahruai nghalin Elina Svitolina leh Petr Kvitova a tum zui leh dawn a ni.

Inkhel dangah Player langsar lo zawk Svitolina chuan set hloh lovin Czech star Kvitova a hneh bawk a, 6-3 6-3 in a chak a ni.

Group khata awmte hi vawi khat theuh an inkhel kual ang a, a sang pahnih an tlang dawn a ni.

Share post:
avatar
  Subscribe  
Notify of