Tottenham hnehin a Premier League lerah Manchester City an kir

Tottenham hnehin a Premier League lerah Manchester City an kir

LUNGLEN SPORTS
Riyad Mahrez chuan a tir lamah goal a khung a, thawhtanni zan English Premier League-ah Manchester City-in si khat faiin mualneitu Tottenham an hneh a, table chung berah an kir leh.

Minute rukah mikhual tan Raheem Sterling-a siamsak atangin Leicester City player hlui Mahrez chuan a pet lut a, inrinnia helicopter che sual avanga nunna chan ta Leicester club neitu Thai mi hausa Vichai Srivaddhanaprabha-a tan a hlan zui nghal a ni.

Tottenham-in an si phurh sut turin an bei let zo lo va, inkhel thunun hnem zawk leh chak phu zawka khel City tan David Silva leh Sterling chuan second half-ah goal khung theihna hun tha an bawhpelh ve ve a, Spurs keeper Hugo Lloris chuan Sergio Aguero-a pet tha takin vawi hnih a dang bawk a ni.

Tottenham-in goal hlauhawm an nei mang lo va, hun tawp lamah forward Erik Lamela chuan Dele Alli-a ball pet sual atangin khung theihna hun tha hmu mah se a tilut lo va, mualneitu an tlawm.

City-in khelh 10-ah point 26 hmuin Liverpool nen an point inzat mah se goal difference-ah an tha zawk a, hma an hruai tawhna an nei let leh nghal a ni.

Tottenham erawh panganaah tlahniamin point 21 an thawk chhuak a, an chung chiahah an hmelma kumhlun leh an thenawm Arsenal an inhung a, point khatin an pha lo a ni.

Share post:
avatar
  Subscribe  
Notify of