Thingdawlah insak tanpuina rangva sem, bialtu MLA-in a dawngtuten man tlawma an leina tumsak

Thingdawlah insak tanpuina rangva sem, bialtu MLA-in a dawngtuten man tlawma an leina tumsak

LUNGLEN BUREAU
Aizawl, September 25, 2018

Thingtlang mite tana in sakna tur tanpuina, Rural Housing Scheme hnuaiah vawiin khan Thingdawl RD Block huam chhunga a dawngtu tura thlan chhuah chhungkaw 57-te hnenah helai bialtu MLA Hmingdailova Khiangte chuan tanpuina rangva a sem a. Bialtu MLA hian a dawngtuten an rangva dawnte man tlawma an leina chu a tumsak vek a ni.

Khuallian Tuirial Bialtu MLA Hmingdailova Khiangte chuan sorkar in mi harsate tana chenna in thawm thatna tur rangva a sem thei chu thil lawmawm tak a nih thu sawiin an rangva sem chu tiriral mai lova a nihna tur dik taka hmang turin a dawngtute chu a chah.

Thingdawl RD Block hnuaia Tuirial bial huam chhunga dawngtuten subsidised rate-a rangva an khulna tur zawng zawng chu Bialtu MLA hian a peksak tih he hunah hian tarlan a ni.

Semna inkhawm hi Thingdawl BDO Gaston Vanlalhriatpuia’n a kaihruai a, Rural Housing Scheme hnuaia tanpuina dawng 57 zinga mi 50 hi Tuirial bial huam chhunga mi niin mi 7 chu Serlui biala mi an ni thung a. Mi pakhatin bundle li (4) theuh dawngin subsidised rate-in Rs. 1920/-in an dawng a, hei hi Tuirial Bialtu MLA hian a peksak vek a ni.

Rangva an dawn bundle khatah hian phek 8 awmin, mi pakhatin phek 32 zel an dawng a ni.

Share post:
avatar
  Subscribe  
Notify of