Thiamna nghet leh rintlak, hriatna chhawrtlak chu lehkhabuah zel a la awm : OP-i

Thiamna nghet leh rintlak, hriatna chhawrtlak chu lehkhabuah zel a la awm : OP-i

LUNGLEN BUREAU
Aizawl, October 2, 2018
Minister of State Vanlalawmpuii Chawngthu chuan vawiin khan a bial chhunga Sialsir khuaah YMA Library building thar a hawng a. Hawnna thu sawiin “Tun laiah inbiakpawhna thar tam hle tawh mah se thiamna nghet leh rintlak, hriatna chhawrtlak chu lehkhabuah zel a la awm,” a ti.

Sialsir Community Hall-a Library building thar hawnna inkhawmah Vanlalawmpuii Chawngthu chuan tunlai khawvelah internet leh social media hrang hrangte thang nasa em em mah se lehkhabu chhiar hlutna leh pawimawhna a tlahniam chuang lo tih sawiin, “Thiamna nghet leh rintlak, hriatna chhawrtlak chu lehkhabuah zel a la awm a ni,” a ti a. “Internet chu lehkhabu puitu mai a la ni rih zawk,” a ti bawk.

Minister chuan, “Mi inchhiar peih, lehkhabu ngaina apiang hi mi fing, pa rawn an ni mai a. Khawvel chu a thiam leh hria apiangte dinchhuahna a nih avangin kan thiama kan hriat theih nan kan chhiar peih a tul a ni,” a ti bawk.

Library hawnna inkhawm hi C.Lalramnghaka, President, YMA-in a kaihruai a. Lalramliana, Librarian, Mizoram State Library leh Dr. Lawmzuala, President, Mizoram Library Association te pawhin thu an sawi bawk.

Share post:
avatar
  Subscribe  
Notify of