Siaha khawpui tifaiin MADC-a thawktute hnatlang

Siaha khawpui tifaiin MADC-a thawktute hnatlang

LUNGLEN BUREAU
Aizawl, September 11, 2018
Vawiin chawhma dar khan MADC (Mara Autonomous District Council) office-a thawktute chuan Siaha khawpui chhung tihfaiin an hnatlang a, mi 600 vel an thawk chhuak.

MADC office staff-te hi Siaha khawpui tifai tura veng hrang hranga an chhuah darh hmain MADC Office Complex-ah MH.Tiabi, EM (LAD) hovin hun an hmang hmasa a. Khawpui neitu an nih avangin duat takin an khawpui, Siaha chu an enkawl tur a nih thu leh a chhiat a that thu-ah pawh MADC-a thawktuten mawhphurhna sang tak an neih thu a sawi.

Hnatlanga thawkte hi Group 11-ah inthenin Siaha khawpui chhunga khawlai bawlhlawhte thianfaiin, kawngkam hnimte an sam bakah culvert-a bawlhlawh tangte an thian a, bawlhhlawhin culvert a hnawh phui tawhte an hai fai bawk.

Share post:
avatar
  Subscribe  
Notify of