Siaha-a VC member-ten damdawi in tifai

Siaha-a VC member-ten damdawi in tifai

LUNGLEN BUREAU
Aizawl, September 2, 2018
Siaha Town Joint VC chuan nimin tuk khan Mizoram chhunga damdawi in fai inelna (KAYAKALP) leh Mizoram Khawpui Fai intihsiakna neih mek pualin khawpui leh damdawi
in tifaiin an hnatlang.

Hnatlang tan hmaa District TB Office kawta hun hmanah a kaihruaitu M.H.Vanlalsawma, Joint VC President chuan District Hospital chu a thawktute ta chauh a nih loh thu sawiin, “Politics chauh buaipui lo va, a tak ngeia ram hmasawn nan damdawi in tihfai hnatlang thawk tura Joint VC Member in pen chhuak hi a ropui,” a ti.

Dr. C.Lalrosanga, Medical Superintendent leh Dr. K.Rakhu te pawhin Joint VC inpekna chu fakawm an tih thu leh an hnathawh chuan rah tha a chhuah ngei an beisei thu an sawi bawk.

Hnatlangah hian Siaha Town Joint VC 22 atangin VC  18 an lo tel thei a, VC member 150 chuang an thawk chhuak a. Damdawi in fai inelna atan hian Medical Department, Siaha
district chuan theihtawp chhuahin hma a la mek a, thawktute pawhin vawi tam tak thianghlimna hnatlang an lo thawk tawh a. Joint VC-in hnatlang an thawh zawh hian Model Youth Association, New Siaha pawhin faina hnatlang hi an thawk chhunzawm nghal bawk.

Share post:
avatar
  Subscribe  
Notify of