Real-in manager atangin Lopetegui an ban

Real-in manager atangin Lopetegui an ban

LUNGLEN SPORTS
Barcelona hmaa an mualpho hnuah Real Madrid-in thla li leh a chanve chhung an rawih hnuah manager atangin Julen Lopetegui an ban.

Lopetegui hian June khan Zinedine Zidane thlakin Real a enkawl a, chawlhni khan Barca tlawhin El Clasico-ah 1-5 in an tlawm a, an khelh hnuhnun vawi rukah tum nga tlawmin a hna atangin an ban zui nghal a ni.

Kum thum Champions League-a champion zawn mek Real-in chhe takin league bul an tan chho va, tunah hian pakuanaah awmin 2001-02 hnua season an tan chhiat ber a ni a, hmahruaitu Barca aiin point sarihin an hniam a ni.

Kum 52 mi Lopetegui thlaktu tur an ruat fel hma chu Real B Team coach Santiago Solari chuan senior team a enkawl rih ang.

Thawhtanni khan Real-in training an nei a, Lopetegui-a hova hun an hman hnuhnun ber a ni a, Madrid club hian enkawltu thar hnuaiah tun inrinni hian La Liga-a parukna ni mek Real Valladolid an hmachhawn ang.

Share post:
avatar
  Subscribe  
Notify of