Polling station tina mite vote thlak pawimawhna hrilhtu tur Mobile PS Van vai liam

Polling station tina mite vote thlak pawimawhna hrilhtu tur Mobile PS Van vai liam
LUNGLEN BUREAU
Aizawl, September 3, 2018
Mizorama inthlanpui neih mai tura hmalakna kal mek zelah vawiin chawhma khan Siaha District Mobile Polling Stations Van chu vai liam a, he van hian district chhunga polling station zawng zawng tlawh chhuakin mipuite hnenah vote thlak pawimawhna a zirtir dawn a ni.
Van vai liam hmaa hun tawi tê buatsaihah vai liamtu, B.Malsawmtluangi, Election Officer, Siaha District chuan inthlanpui lo awm turah hian VVPAT hman tur a nih thu leh he khawl hmang hian vote thlaktuin a vote kha khawlin a chhinchhiah a ni tih a hmu thei tawh dawn tih a sawi a. “India khua leh tui kan nihna angin vote thlak hi kan tih tur a ni a, mi dang zirtirna kawngah pawh theihtawp kan chhuah a ngai,” a ti bawk.
Mobile PS Van hian district puma polling station zawng zawng tlawh chhuah a tum a. Mipuite hnenah EVM hmanga vote thlak dan zirtirna pek zel tum a ni a. Tunah hian Siaha district-ah hian polling station 79 a awm mek a. Mobile PS Van hi ni 40 chhung a tlan kual dawn a ni.
Share post:
avatar
  Subscribe  
Notify of