Phaileng leh Dampui kawng a rang lama siam that vat a ni dawn : John Rotluangliana

Phaileng leh Dampui kawng a rang lama siam thata vat a ni dawn : John Rotluangliana

LUNGLEN BUREAU
Aizawl, September 25, 2018
John Rotluangliana, Minister, FCS&CA, Transport, Tourism, Mamit bialtu MLA ni bawk chuan a bial chhung, Dampui khuaa vawiina Community Hall sak thar chu a hawnnaah Phaileng leh Dampui kawng, Rural Department hnuaia laih tawh chu awlsam zawka district headquarter an dawr theih nan a rang lama siam thata tharthawh vat a nih dawn thu a sawi.

Community Hall thar hawnna inkhawmah hian bialtu MLA chuan khawtlang hruaituten anmahn ngeiin saa hall tha tak an din thei chu lawmawm a tih thu sawiin MLA Fund hmanga hall tha ber pawl sak a ni chu lawmawm a tih thu a sawi a. Dampui khaw hmasawnna hrang hrang sawiin tuia an harsatna thin pawh sorkar hmalaknain sutkian niin National Highway kawng tharin pawh dawn lo mah se pawi ti lo tur leh kawng thara insawn kher lo turin a chah.

Vawiina Dampui Community Hall hawn thar hi MLA Fund Rs. 25,00,000/- senga sak niin khawtlang mipuite hman turin Minister hian Badminton Racket, Cock, Badminton Net, Volleyball leh Volleyball Net te a pe nghal a. Hall hawnna inkhawm hi Zodinsanga, Dampui VCP-in kaihruaiin hall thar lawm nan khawtlang ruai buatsaih a ni bawk.

Share post:
avatar
  Subscribe  
Notify of