PC Lalthanliana bialah MNF candidate turin mi a lawm lut

PC Lalthanliana bialah MNF candidate turin mi a lawm lut

LUNGLEN BUREAU

Aizawl Oct. 6, 2018

October 4-5, 2018 khan Dr. Vanlaltanpuia, Lunglei North Assembly Constituency a MNF MLA candidate tur chuan Zote, Kanghmun, Ramlaitui, Sekhum leh Mualthuam N atangin mi 25 MNF ah lawmlutin MNF unit buatsaihin Public Meeting ropui tak neih a ni a, vawk talhin ruai an theh nghal, tiin MNF thuchhuah chuan a tarlang.

MNF thuchhuah chuan Dr. Vanlaltanpuia chuan Congress sorkar chhung hian Mizoram leh ka seilenna bial chhung, Lunglei North hi ka belin ka zirchiang em em a. Hmasawnna kawng hrang hrang, tui, hriselna, power, inkalpawhna kawng, zirna leh mi harsa zawkte din khawchhuah ve theihna tur siam leh din kawngah hian kan la hnufum em em a, bial dangte enin hmasawnna atan tihtur a la tam em em a ni, a ti niin a tarlang.

Retheihna hi ka paltlang vek tawh a, retheihna hi ka hrechiang a, tuna in dinhmun leh in harsatna hi ka hre em em a ni. Chuvang chuan, he bial a mi harsa leh mirethei te tan engnge ka tih theih, in tan ka tih theihte ti turin in hmaah ka lo ding ve a ni. Thilti thei dinhmunah min dah a nih chuan ka tlanchhiatsan lovang che u. In tan ka din ngam leh ngam loh chu, min enchhin teh u. Zoramthar, MNF thar, MLA thar nei turin i inbuatsaih ang u. Lunglei to Aizawl (World Bank Road) Lunglei North bial chhung a, tlan harsa khawp a ngaihthah bik a ni te hi ngaihtuahna a kal thui phahin rilru a ti na ngawih ngawih a ni, Vanlaltanpuia chuan a ti.

Dr. Vanlaltanpuia hian mi 10 zet Ramlaitui-ah MNF ah lawm lut zui a, Mualthuam N ah ZPM in block President atana an sawm chuan MNF Party a zawm bawk.

Share post:
avatar
  Subscribe  
Notify of