Party thliarna dah bovin ram hmasawnnan i thawk ang u: Lalchhandama Ralte, education minister

Party thliarna dan bovin ram hmasawnnan i thawk ang u: Lalchhandama Ralte, education minister

LUNGLEN BUREAU
Inrinni khan khan Sawleng khawtlangin Lalchhandama Ralte, school education minister lawmna hun an hmang a, he hunah hian minister chuan party inthliarna dah bovin ram hmasawn nan i thawk ang u a ti.

Lalchhandama Ralte chuan sorkar tharin hun rei lote chhungin thawm a nei tan a, mipuite tana tha ber turin hna a thawk zel dawn a ni a ti. Khawtlang hmasawnna tura auhla an neihte tipuitling thei dinhmunah mipuiin an hlangkai avangin mipuite chu tawngtaina nen tawiawm tlat turin a sawm a, kawng laklawha tawpsan mai lo tur leh tawiawm tlat turin a sawm bawk. Minister chuan khawtlang hruaituten khawtlang mamawh an thlente chu uluk taka an thlir hnuah a theih ang anga bawhzui a nih tur thu leh hma a lak tur thu a sawi.

C.Lalmuanpuia, MLA pawhin he hunah hian thusawiin Ministry tharah sorkar tharin zirna lamah theihtawp a chhuah dawn a, he ramah dikna leh rorelna tha a awm theih nan mipuite chu thawhpuiah a sawm a ni. Zirlai thiam thei leh harsate tan incentive pek an nih tur thu a sawi bawk. Zirlaite chu ram nghahfak an nih avangin zirna lamah tan la turin a sawm a ni.

Education Minister Lalchhandama Ralte hi nizan khan Darlawnah a riak a, Sawleng a tlawh hma hian tukin khan Darlawn-ah SDEO office leh quarters sak that dan tur leh Middle school building-a Higher Secondary school dah dan turte a hmunah a en a. School Department Director leh officer dangten an tawiawm a, School thuneitute nen thiltih dan tur an sawiho nghal a ni.

Share post:
avatar
  Subscribe  
Notify of