Parliamentary Processes and Procedures Training in Delhi ah

Parliamentary Processes and Procedures Training in Delhi ah

– Laltlanthanga, Editor
Hlimthla Daily News Paper

Mizoram sorkar Information & Public Relations Department buatsaih Ni thum (25-27.9.2019) chhunga, Lok Sabha Secretariat Parliamentary Research and Training Institute for Democracies (PRIDE), Training Programme in Parliamentary Processes and Procedures for Media Persons on Mizoram, NPTS Lecture Hall ‘B’, Ground Floor, PLB New Delhi a neih a Mizoram District hrang hrang atanga chanchinbumi 15 leh I&PR Officer 5 (kan vaiin mi 20) te chuan hlawk thlak kan ti tlang hle.

Ni 23.9.2019 khan Lengpui atangin AirIndia thlawhna in Delhi kan thlawkthla a, la kal ngailo te kan awm nual avangin ni 24.9.2019 ah Delhi atanga 233.1kms a hla Uttar Pradesh state chhunga Agra (Taj Mahal) kan fan hmasak zet hnu ah ni 25.9.2019 atangin training class kan tan nghal a, kan training chhung hian nitin zing lamdar 10:00 atangin class kan tan a, tlai dar 5:00 ah kan bang thin a, Parliament Complex Lok Sabha Secretariat-a an hotuten parliament chungchanga kan hriat tur pawimawh leh a kalphung hrang hrang, India parliamentary democracy ropui leh hlawhtlin dante min hrilhfiah hneh hle. Ralkhat atanga kan lo hriat ve bakah kan hriatbelh hnemin, kan la hmuh ngai loh hmun ropui tak tak kan hmuh hnem phah hle a Parliament Complex-a fan awm chi heng – Lok Sabha, Rajya Sabha, Central Hall, Museum, Library leh keini lam kaihhnawih Press & Public Relations Wing bakah session an neih laia live-a kan lo en theihna Lok Sabha TV leh Rajya Sabha TV hmunpuite min fanpui bakah, Training a kal kan nih avangin Parliament chhungah thingpuite kan in mai bakah chhunchaw (lunch) pawh kan ei ve mai thin, Prime Minister lunch neina hmun Bancquet Hall ah Lunch an han ei ve hrim hrim pawh kha a nuam dangdai ve hrim hrim.

India ram in relbawlna leh rorelna insang ber a ni bawk a, engkim mai a fel fai in venhimna (security) pawh an uluk em em a, kei ni kan lut tur pawh check theih zawng zawng min check a ni mai a, electronic lam thil reng reng ken luh an phal lovin, Mobile phone mai bakah pendrive thlengin min chhuhsakin gate ah min dah tir vek a, ipte (bag) pawh a thla an la (scan) vek bawk a, Mizo rual kal kan ni bawk a, meizial leh sahdah thlengin min man sak nual hlawm nghe nghe, heng ken luh an an phalloh te hi class zawh hnu ah kan haw dawn ah gate atangin engmah ching pen awm lovin him takin kan la hhuak leh vek zel a, in hriatthiamna a awmlo, kan training chhungin nitin a ngaiin check kan hlawh ziah.

Ni thum chhung lek kan training chhung hian thil chi hrang hrang kan zir hnem hle a, Training hawnna (inauguration) Programme nu hmeltha leh lian tha zet mai, nelawm leh fiamthu duh tak Pi Rinjhim Prasad (IRS) Joint Secretary Lok Sabha Secretariat in a neih hnu ah training hi kan tan a, ni thum chhung leka subject hrang hrang ‘Parliament in the India Polity’, ‘ Parliamentary Question and Procedural Devices to Raise Mateers of Urgent Public Inportance’, ‘The Legislative Process’, ‘The Budgetary Process’, ‘Parliamentary Committee System’, Parliamentary Privilages’, ‘Right to Information in ensuringaccountability of Leadership’, ‘ Dissenmination of Information [Information inportant for media persons are: Parliamentaty Committee reports, LSTV/RSTV, Parliamantary Website, MP’s Reference and Reserah Service etc]’, Freedom of Media and Responsibility of Media Persons’, The Second Chamber : Its Role and Impact’ Lok Sabha leh Rajya Sabha Directorate hrang hrang a Director rual leh UPSC Joint Secy ten min han zirtir zet chu a hah thlakin a hlawk thlak hle.

Kan training chhung hian Mizo ten ka lo hriat ngai lem loh pawh tam tak kan zu hmuchhuak bawk a, chung zingah hian Lok Sabha hian website tha tak neiin he an website-loksabha.nic.in ah hian Parliament (Lok Sabha leh Rajya Sabha)-a thu hriat ngai zawng zawng chu en theih vek a niin he an website ah hian ah hian Parliament session (house chhung) floor a member te thusawi leh an inhnialna zawng zawng pawh kum 1952 atanga tun thleng dah vek a ni.

House chhunga thu hriattur tul te chu an digitize vek thu leh engkim langtlang taka dah chhuah vek a ni a, hemi hrelo hian mi thenkhat in RTI dan hmang zawh tum an la awm fo thu sawiin RTI hman ngai lovin information awm thei ang ang chu mi tupawhin an en mai theih tura Lok Sabha Website a dah chhuah vek thu anih bakah Library a lehkhbu nuai 4 chuang an neih pawh website kaltlangin online hmanga chhiar theih vekin an dah bawk.

Parliamentary Committtee : Lok Sabha leh Rajya Sabha ah hian Parliamentary Committee 55 awmin, heng zinga 31 chu House pahnih member tel na Joint Committee a ni a, House mal in Committee 24 neiin Lok Sabha leh Rajya Sabha Committee awm zat hi 12 ve ve a ni.

Parliament member zat : Lok Sabha bikah MP awm thei zat chu kan hre vek a, (member 545) an ni a, Rajya Sabha-ah hian member 250 awm tur an niin heng zingah thlantlin (MLA te thlan) 238 leh President ruat (nominated) 12 an ni a, heng Nominated member atana ruat tur te hi duhsak zawng ruat mai theih an ni lova, kawng hrang (literature, Arts, Science, Social Service Sports leh thil danga) ram pum huapa hming thatna nei an ni tur a ni.

Central leh State sorkar thuneihna :- Sorkar inrelbawlna chungchangah hian Subject hrang hrang a tam hle a, heng subject te hi Central sorkar thuneihna bik Union List, leh State sorkar thuneihna bik State list bakah Central sorkar leh State sorkar thuneihna intawm Concurrent list a awm teuh a, heng zinga 97 hi Union List niin State sorkar thuneihna State list 61 awmin Concurrent list 52 a awm bawk.

Museum chhungah hian India Independent tirh a Parliament Session hmasa ber an neih laia member te House a ro an rel lai leh Prime Minister hmasa ber Nehru thusawi lai milim in an lo din a, chutah te chuan min thut tir ve in Radio kaltlanga Nehru thusawi hmasak ber te Session hmasa berah chuan Member te chu thutpuiin kan ngai thla ve thei kha a ropui zual hle a, an milim siam te kha che thei vekin an siam a, Nehru-a’n thu a sawi laia a ban a han vai vel te han hmuh kan hriatphak loh leh hmuh phak ni hauh lo mahse khatih hun laia cheng ve ang mai khan kan ‘feel’ ve veng veng thei nia, hei bakah hian India in British laka zalenna a sual laia hmun hrang hrang in beihna thleng changchin a thlalak bakah a hun laia an thusawi (voice record) han ngaihthlak chuan thinlung a khawihin Mizoram in India laka zalenna a sual lai mitthla ah a cham in min hriat chhuah thar tir hle.

MP ten mawhphurhna an hlen lo? :- Hetih lai hian rualawh erawh Parliament hnathawkte hmuh in a na hle thung, Parliament ah khuan hnathawk chi hrang hrang an tam hle a, Parliament a thawk tur khuan Direct Recruitment a awm thin a, Mizoram mipuite hian kan hre lo hle mai a, website ah hnaruak hi tarlan thin a ni a, tunah hian Zohnahthlak kan han tih ang chi chu 50 vel an awm a, hengah hian a tam zawk chu Manipur lam mi bawk an ni a, Mizo kan han tih Mizoram mi chu 2 chiah an la awm a, hemi kawngah hian kan harh a tul hle, hetianga hnathawh tur India ram rorelna sang ber a awm ve reng hi Mizo mipuiin kan lo hrelo anih pawhin kum tam MP kan lo nei ve tawh thinin, kan nei mek bawk a, khan kan MP lo ni tawh thin te khan engvanga mizo mipuite hi min lo hrilh hre thin lo nge an nih tih hi zawhna lian tak a ni.

Hetih rual hian Parliament training pawn lama kan thil hmuhchhuah chu Social Media lama Mizo nula ten hnamdang a bik takin midum (Negro) an kawp nasa tih hi a dik a ni tih kan zu hmuchhuak a, Delhi Mizo Welfare a inziak lut duh silo, manganna leh tanpui an ngaiha puih loh theih siloh an tam hle a, hetianga hnamdang laka inphal tak tak hi an tam hle tih Mizo kan hmuh ang te kan zawhna atangin a chiang hle a, keini tan chuan tih vak ngaihna pawh a vang hle a, hmanni lawk (keini traininga kan chhuk hma deuh pawh) pawh khan Mizo nula pakhat chu Delhi atangin an thawn haw a, mah se ni hnih hnu vel lekah Delhi ah bawk an hmu zui leh tho bawk a, hemi kawngah hian Delhi a hnathawk leh zirlai awmte tan hmalak tak tak pawh a harsa hle niin hriat a ni a, chuvangin Mizoram lam atang hian engtin emaw tak hmalak dan awm thei se a duhawmin, chhuungkua leh khawtlang ang pawhin hemi kawnga inzirtirna hi tha leh uar zawka kalpui a tul hle niin a lang.

Share post:
avatar
  Subscribe  
Notify of