Nunui’n studio lam luhchilh leh a tum, a vanduaina malsawmnaah chantir a tum

Nunui'n studio lam luhchilh leh a tum, a vanduuaina malsawmnaah chantir a tum

BY HLIMPUIA for LUNGLEN

Ka Hmangaih Isua” tih hla atanga Mizoram music huanga hming rawn chher a, country music ngaina ho phei chuan zaithiam an tih em em Nunui, VL Neihthangi chuan recording studio lam lut leh turin a inbuatsaih mek.

Nunui hian, Album pathum ti chhuak tawhin Ka Hmangaih Isua, Ka Khualzin Kawng leh Nunu Sings Dolly a ti chhuak tawh a. Dolly Parton hla hlang a dahna album tak hi chu official a release pawh awm chuang lova, home copy ang chauha tih chhuah a ni.

Heng a album a hlate hi a hunlai chuan hla lar tak tak a ni hlawm a. Inkhawmpui Tiak Tawh Ngai Lo tih hla te phei chu zaipawl thenkhat te’n sa thar lehin, Vanram ngaih hla mite’n an duh ber pawl a ni.

Nunui'n studio lam luhchilh leh a tum, a vanduuaina malsawmnaah chantir a tum 1

Tunhnai deuh khan Nunui hi accident tawkin, a malruh dinglam a tliak a, tun hun hi hmang tangkaiin in lamah hla thar zirin a theih ang anga recording tih thuai tumin hma a la mek a ni.

Tunah hian hla pariat in buatsaih mek a, heng hla te hi solo hla phuah lama duai lo tak tak – Ruatfela Pachuau, John Mawitea leh Mapuii Fanai phuahte bakah Lunglei lam hla phuahthiam, Muanchhana hla leh Mizo zinga literature huanga mikhual lo tak Mafaa Hauhnar hla lehlin te an ni hlawm a, a hla phuahtute leh buatsaihtute hming en ringawt pawhin nghahhlelhawm tak a ni.

Heng hla te hi album puitlinga siam a tum leh tum loh Nunui hian a la sawi chiang thei lo va, hla nalh tak tak release si loh, recording peihfel tawh pawh Nunui hian a nei nual bawk a, album pakhata lakkhawm tham zet a nei niin www.lunglen.com Nunui hian a hrilh.

He news article ziaktu hi Lalhlimpuia, The Zozam Times-a thalai huang ziak thin a ni a, accident rapthlak tak avangin nunna a chan tep a, che thei lovin hun engemawchen a awm tawh a, entertainment reporting lamah www.lunglen.com tan tha thar a rawn thawh leh a ni.

Share post:
avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
Mahruaii Renthlei Recent comment authors
  Subscribe  
newest oldest most voted
Notify of
Mahruaii Renthlei
Guest
Mahruaii Renthlei

Lawmawm ve