New Delhi-ah Mizo nula a thi, overdose-a thi nia hriat a ni

New Delhi-ah Mizo nula a thi, overdose-a thi nia hriat a ni

Aizawl June 3, 2018

Aizawl nitin chanchinbu Romei tarlan danin nimin zing lam dar 4:00 vel khan New Delhi Tilak Vihar ah Mizo nula nia hriat pakhat chu midum (black) nen an party zo over dose vangin a thi nia sawi a ni a, Delhi Police ten Mizo nula khawsakpui leh a thiante hi thuzawhfiah atan an la nia thu dawn a ni.

Tuna thi hi kum la tling lo, kum 16 emaw vel niin Delhi Mizo Welfare hruaitute chuan an sawi a. DMW hruaitute pawh nizanah khan an tlaivar zak a, tuna thi thiannu (Mizo hmeichhia tho) a chenpuite hi Police te pawhin an party na hmun leh thil awmzia an zawt nain an lo hrilh duh mang lo a, DMW hruaitute hian an zawt chhuak thei nia hriat a ni.

He hmeichhe thi hi Singapore lama hnathawk thin India ram a lo haw hnuah Delhi-a a thiante fin ta niin an sawi a. Amah hi Champhai district chhunga khaw pakhata cheng niin an sawi. A ruang hi post mortem phawt a ngai a, post mortem hma hian a chhungte an awm a ngaih avangin Mizoram atanga an chhuk thlak ve hma chuan khawih sawn theih loh turin morgue house-ah an dah rih dawn nia thu dawn a ni bawk.

DMW hruaituten an sawi danin Delhi-ah hian Mizo hmeichhia, midum kawp an tam tawh hle a, whatsapp group hran te siamin, Delhi Mizo Welfare lam pawhin manganthlak an ti hle a. Hmeichhe zurui, saruak veka lo awm buaipui zui pawh an nei fo tih an sawi, tiin Romei chanchinbu hian a tarlang.

Share post:
avatar
  Subscribe  
Notify of