NEW BEGINNING : Mizo music industry-a Record Label hmasa ber ‘K&P Records’ launch ta, Mizo music scene-ah bung thar kan kai

NEW BEGINNING : Mizo music industry-a Recording Label hmasa ber 'K&P Records' launch ta, Mizo music scene-ah 'new beg

By CHDA
ENTERTAINMENT BUREAU

A hun leh ni chu ka hre tawh lo! Mahse, a tlem berah kum thum chu a liam tawh ngeiin ka ring.

Khatih lai, Mizo Idol an buatsaih dawn khan Aizawl Masala awm lai kha ni ta in ka hria, khatah khan — Mizo Idol thlan chhuah hian pawisa leh thilpek dang ringawt dawng lo a, khawthlang ho zaithiam thlanna ‘show’ kalphung zulzuiin record label emaw, studio emaw, te nen hian an album hmasa ber tur buaipui zui tumna awm em? — tiin ka lo zawt tawh a. “Chutiang ruahmanna kan la nei rih lo,” tih lam hawiin min chhang ta niin ka hria.

NEW BEGINNING : Mizo music industry-a Recording Label hmasa ber 'K&P Records' launch ta, Mizo music scene-ah bung thar kan kai
Kings & Prophets Recording Studio neitu Toia pa chuan K&P Records a launch

Kan Zo rimawi khawvel hi tunhma chuan gospel leh lengzem/lenglawng ‘genre’ ang zawngin kan then hu a! Tunah erawh chuan pawl pahnihin, kan zaithiam leh musician te min then hrang titih a. Zo rimawi boruak chu a chiri a ni deuh ber a. “Khawi zawkah nge ni ang?” tia zaithiamte an buai an buai laiin — Mizo music industry-ah record label thar a rawn piang ta. Kan rimawi khawvel chuan bung thar a kai ka ti lo thei lo.

NEW BEGINNING : Mizo music industry-a Recording Label hmasa ber 'K&P Records' launch ta, Mizo music scene-ah bung thar kan kai 1
Jeff & Empy te’n thawhhona thuthlung an ziak fel

August ni 8, 2018 (08.08.18) hi Zo rimawi khawvel tan chuan ni chhinchhiahtlak tak a nih ngei ka beisei tlat a — a nih ngei pawh ka ring e, kei chuan. Mizoramah record label pangngai taka kalpui hi kan la nei ngai meuh lo a. Label ang deuha kalphung nei tawh erawh chu an awm mai thei a, mahse, chu’ngte nena khaikhinin tuna record label thar kan neih nen chuan a hrang hlak a, Zo rimawi in bung thar a kai tan ka ti ve e.

NEW BEGINNING : Mizo music industry-a Recording Label hmasa ber 'K&P Records' launch ta, Mizo music scene-ah bung thar kan kai 2
Andrew leh K&P Records puipate

08.08.18 tak hian ngaih pawimawh a hlawh a, a chhan pawh nei tha tak a ni.

K&P Records an launch chhan sawiin, an chairman Toia chuan, “A tawpa number 8 awm ni khera launch kan duh chhan chu, Bible-a number 8 hian thih hnua thawh lehna, siam thar leh pianthartirna (new beginning) a entir a. Chumi avanga thlang kher kan ni,” a ti. Sawi zawm lehin, “Vawiinah hian rahbi thar kan kai ve na a ni a. Vawiin hi kan thlang a ni,” tiin Kings & Prophets Recording Studio-a label launch naa a sawi chu, ka pawmpui viau. Ni e, ‘new beginning’ chu a ni tih ka chiang.

Khawthlang ho music industry kan hria a, an len dan leh huhang an ngahzia pawh rimawi ngainatute tan chuan hai rual a ni lo. An artiste te hi record label hnuaia contract nei an ni fur ang a, ‘independent artist’ awm mah se, kan hriat lar tam zawk chu label nena thawhhona tha tak nei vek an ni a. He thawhhona atangin artist te pawh hian hlawkna tam tak an chhar a, hlawhtlinna an nei bawk.

NEW BEGINNING : Mizo music industry-a Recording Label hmasa ber 'K&P Records' launch ta, Mizo music scene-ah bung thar kan kai 3
Avora Records chuan K&P Records-ah contract an ziak fel ta

Mizorama kalphung pangngai leh professional lamtluang zawh tura hma la ngam hmasa bera chhal ngam, K&P Records chairman Toia chuan, “Hmanhmawh vang leh pawngpaw phur vanga ti kan ni lo,” a ti a. “Artiste tam tak an awm a, chu’ng ho zingah keimahni paw’n Mizo artiste te kawng hrang hranga an music career-a tanpuina kan neih theihna’n hma kan la dawn a. An kut chhuak zawrh chhuah thlengin a tel vek dawn a. He’ng an talent hmanga an kutchhuak ropui tak takte chu zahawm taka zawrh chhuah a nih theihna’n hmalak kan duhin, kan tum bawk a,” a ti a. Khawthlang lam tihdan entawn a, Mizoram music industry mil tawka an kal thiam erawh a pawimawh hlein a rinawm.

“Artist tam tak thawhpui tur an awm nual a. Mahse, tun dinhmunah chuan artist tam tak ‘sign’ kan tum lo. Tuna pathum ho hi kan duhtawk rih phawt dawn a. A bul tanna’na kan thawhhona kan ziahpui te hi tunhma atang tawha mimal leh a group ang zawng pawha music play ho tawh thin kan ni,” tiin Toia chuan a sawi bawk.

Kan tunlai rimawi khawvel chu — album ni loin, hla hlui sak leh hla lehlin hmanga music video industry — tiin sawi ta ila, a dikna chen tam tak a awm ngei ang. Mahse, he record label thar hnuaiah chuan track thar bakah, single music video leh Zo rimawi khawvel ti hausa a, tihmasawn thei turin album pawh kan sawi ngam ve deuh tan tawh ang. A chhan chu…

K&P Records — hnuaiah hian a hmasa ber ni turin mal zai anga kal pakhat leh band pahnih te nen thawhhona thuthlung an ziak fel nghal a.

Mizo mipa zinga pop singer kan neih lar ber zing a mi, Kolasib tlangval, official DrLuke vocalist hmasa ber — Andrew Laltlankima; EP an buaipui mek atanga thla hnih kaltaa single video hit ‘Nimin Chu’ siam tu — Jeff & Empy — bakah, kum 2017-a Hornbill International Rock Contest leh Sennheiser Top 50 Season 3-a pakhatna dinhmun luah tu ‘Avora Records’ te’n thawhhona thuthlung an ziak nghal thei a ni.

Toia bawkin anni pathum an thlan chhan chu sawi fiah lehin, “Jeff & Empy te hi Extended Play (EP) kan buaipui ho tawh a, anni pahnih nen hi chuan thil kan ti ho nasa a. Jeff-a bik phei hi chuan music lam kaihhnawihah thil tam tak min paltlangpui tawh a ni.
NEW BEGINNING : Mizo music industry-a Recording Label hmasa ber 'K&P Records' launch ta, Mizo music scene-ah bung thar kan kai 4
“Avora Records band nen hian tunah pawh album kan buaipui ho mek a, he studio atanga chhuak an ni. A mimal tak paw’n hman atanga lo tiho tawh tho kan ni. An drummer Sanga phei chu kan session drummer a ni nghe nghe a.

“Andrew nena kan lo thawhho tawhna hi chu tam tak chuan kan hre tawh a. A track tam zawk hi he studio atanga chhuak tawh tho kha a ni a,” tiin tuna an mi thlan pathumte chungchang a sawi kauh kauh bawk.

Avora Records hian — K&P Records — hnuaiah hian an debut album chu kumin tawp lamah hian release an tum a. Andrew Laltlankima pawh hi ‘tour’ chanchin vel ri ret ret a awm a, Jeff & Empy te thiandun pawh hian hma thar an rawn chhawpchhuak dawn hnai e.

Mizoramah chuan music producer tia kan sawi te hi, zaithiamte album emaw, an music video emaw sponsor-tu ang lekah kan chhuah titih a. Kan entawn leh ngaihsan khawthlang ho nena an producer nen chuan inperhsan tak a ni. Amaherawh chu, ka beisei leh an chunga rinna ka nghah tlat chu — he label thar hian professional takin producer awmzia hi min zirtir nghe nghe se — tih hi a ni.

NEW BEGINNING : Mizo music industry-a Recording Label hmasa ber 'K&P Records' launch ta, Mizo music scene-ah bung thar kan kai 5

K&P Records hi member pali (4) in an enkawl dawn a. Chairman-ah Toia, Vice Chairman-ah Corie Ralte, chief of marketing chu Danny-a niin, Sr. Adviser & Event manager-ah Victor-a te an awm a ni.

Mizo music industry-a ‘New Beginning’ a taka hmu a, a launch-na huna min sawm ve hi ka va lawm tak em.

Ni e, ram dangin — Roc Nation, Def Jam Recordings, Universal Group, Atlantic Records leh adt., — an neih ang chu, keini pawhin — K&P Records — kan nei ve ta! Nangni chuan sawi chhiat tum mah ula, kei chuan ‘New beginning’ ka ti tho tho ang.

Share post:
avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
Danny Malsawma Recent comment authors
  Subscribe  
newest oldest most voted
Notify of
Danny Malsawma
Guest
Danny Malsawma

Thu lawmawm tak a ni e. Avora pic hnuai ah khian L&P tih te a awm leh diah a. Enge awmzia.. Tin, Recording Label hi enge a awmzia chiah hei aia sawifiah chian ni thei se