Naupang khawngaihthlak Laura, a hnathawk a chesual a, a boral, LMS in sikul kharin sun dawn

  • Laura hi Aizawl sikul tha LMS a zirlai a ni
  • Mahnia inchawm tum, chanchinbu sema sum tuak thin a ni
  • Chanchinbu an sem haw lam an vanduai

Pathianni tuk dang ang bawkin Laura Lalhmingsangi te unau hian an inhlawhna thin Zanlai Au Aw chanchinbu semin Sesawng thlengin a unaupa nen an kal a, an tih tur an ti fel a, mahni in lum lam pana an haw kawng Aizawl Canteen kual ah vanduaina an tawk a, truck nen insuin a nunna a chan ta.

Laura Lalhmingsangi, Lalmalsawma Memorial School zirlai chesual ta chu

Laura Lalhmingsangi hi Nursery Venga khawsa an ni a, Kohhran Thianghlim a lawi an ni a, a unaupa nen hian an theih ang anga sum tuakin a rem rem an thawk thin a, Pathianni bik hian an kohhran chanchinbu semin Aizawl khua leh a chhehvel an kal kual thin.

Tukin zing atang khan an tih thin dan angin an kohhran chanchinbu Zanlai Au Aw semin a unaupa nen an chhuak a, an kalna thin zawng zawng an kal tawh a, Sesawng thlengin a tul avangin an kal a, tluang takin an tih turte an ti fel a, Aizawl an rawn thleng leh a, mahse vanduaithlak takin Aizawl Canteen Kual ah truck nen intawk sualin an chesual ta a, Laura hi a boral ta a ni

Laura Lalhmingsangi hi Lalmalsawma Memorial School a class VII zirlai ani a, Kohhran Thianghlim a lâwi niin a unaupa nen hian ‘Zanlai Au Aw’ semin Sesawng lamah an kal a, an rawn haw leh lam chu an chesual palh ta a ni.

Kan thudawnnain a sawi danin an vengah zanin hian lumenpui a ni ang a, naktukah vui a ni ang. A sikul luhna Lalmalsawma Memorial School hotunu Susan Laltanpuii chuan a student boral avangin naktuk (Monday) chu sikul khar a ni ang tiin www.lunglen.com a hrilh a, a sikul naupang fel leh entawntlak, mahni theih ang anga hna thawk thin a uithu a sawi bawk.

Share post:
avatar
  Subscribe  
Notify of