MVA Invitation Tournament khelh mek a ni

MVA Invitation Tournament khelh mek a ni

LUNGLEN SPORTS
Mizoram Volleyball Association buatsaihin Tuikual Indoor Stadium-ah NEIDA Invitation Tournament khelh mek a ni a, vawiinaa inkhel hriat theih chinah TNT leh Tuichangralin an tumpui a hneh.

Pool A-ah a vawi khat nan TNT an chak a, set hloh lovin ITI lakah 25-15, 25-15, 25-17 in hnehna an chang a ni. TNT hian a hmain Chhinga Veng Spikers an tum tawha set hloh lovin an tlawm a, ITI an hneh hnuin semifinal beisei thei turin an dinhmun an siam.

Pool B lamah Tuichangralin set nga an inkhelh hnuah Durtlang North an hneh hram a, 21-25, 27-25,19-25, 25-19, 15-12 in an chak. Tuichangral hian a hmain Maubawk an hneh tawh a, semifinal lut thei turin hma lam an pan zel a ni.

Invitation tournament-ah hian Mizoram Volleyball hnuaia division sang bera awm team pakua bakah Shillong atangin Gorkha Training Centre an tel a, Serchhip District team tel tura beisei an nih angin an inlan lo a ni.

Mipa team 10-te hi panga ve vein pool hnihah then a ni a, vawi khat an inkhelh kual hnua a sang pahnih ve vein semifinal an lut ang.

Hmeichhia team pali an inel bawk a, vawi khat theuh an khelh tawhah Bungkawnin 23-25, 26-24, 25-19, 25-17 in Kanan an hneh a, Durtlang lakah set hloh lovin Bethlehem Vengthlang an chak bawk a ni.

Share post:
avatar
  Subscribe  
Notify of