MUP Lengkhawmzai intihsiakah Bungkawn Branch an thiam ber

MUP Lengkhawmzai intihsiakah Bungkawn Branch an thiam ber
Representational Image
LUNGLEN BUREAU
Aizawl Oct 30, 2018
Aizawl khawpui  chhung MUP  Lengkhawmzai  intihsiak-2018 chu Vanapa Hall-ah Sangdingliana Secretary, Art & Culture Department chuan a titha te hnenah lawmman a sem.
Sangdingliana chuan  MUP member kalkhawm te  an hmuh a nuam  a. Bible in a sawi angin lu var vau mai awmkhawm han hmuh te hian  a thlamuanawmin  an zahawm em em a,Pathian malsawmna hlu tak a ni ati.
Kan hnam lam  Cheraw te pawh a  lam dan hrang hrang siksawi chhovin style hrang mawi takte duan chhuah a ni a,kan hnam zai – lengkhawm zai kan tih te pawh hi  thangchho zel thei a ni tiin  Art & Culture Secretary chuan  MUP te chu heti lam hawia tan la zel tura fuih in ,  an rilru leh taksa te chu  inenkawl tha tur leh an hriselna te ngai pawimawh tura chah in  an damkhua hrui ang lo sei a,midang te tan leh thangthar te  chherchho tu leh   malsawmna ni  zel tur in  duhsak a hlan ani.
R Hmingthanzuala Director,Art & Culture  Department kaihhruai programme ah hian J.Thanglura Gen. Secretary MUP General Headquarter thusawi leh  report ngaihthlak a ni a. Lalhuapzauva Vice President MUP General Hqrs in kalkhawmte hnenah lawmthu a sawi a ni.
Carol VLMS Dawngkimi Joint Director  in Result  hetiang hian a puang a, lawmman te sem zui nghal a ni. Khuang pu  tha ber Khuangpui  Vanlalchhuanga, Hlimen Branch; Khuang pu tha ber – Khuangte Lalzuiliana, Hlimen Branch;  Hla hril thiam ber Lalremruati Sailo Chawnpui Branch, Aizawl; Inzaisiakah pakhatna – Bungkawn Branch, Aizawl West 111 Area; Pahnihna – Chawnpui Veng, Aizawl West 11 Area leh Pathumna Hlimen Branch, Aizawl South 111 Area-te an ni.
Intihsiaka tel Branch dang zawng hnenah Consolation prize pek an ni bawk.MUP Zaipawl intihsiak ah hian  Branch 14 an tel a,member tel zawng zawng  chu 818 an ni a.Bawngkawn atangin member 80 telin member kal tam ber lawman  an dawng a ni.
Share post:
avatar
  Subscribe  
Notify of