MTV India Music Summit-ah Mizo Cardinal Choir perform dawn

MTV India Music Summit-ah Mizo Cardinal Choir perform dawn

MTV India Music Summit, Fairmont, Jaipur ah Mizo Cardinal Choir an zai dawn

Hman deuh tawh khan, khawvela zaipawl khawmpui lin berah pawh hming lo chher tawh an ni. Hemi hnuah show-a tel tura sawmna an dawng chho zel a. Tunah phei chuan Mizo te’na rimawi channel kan ngaihhlut thin em em, MTV te nen sawi zawm hial an lo hlawh ta.

October ni 12 atanga ni 14 chhunga Fairmont, Jaipur-a neih tur — MTV India Music Summit — ah zai turin Mizo cardinal Choir te hi sawm an ni a. Sawm an nih angin tunah hian an inpuahchah ngawrh hle.

India rama hun leh hmun khata music show ropui ber an sawi zingah pawh chungnung pawl, MTV India Music Summit hi darkar 36 zet awh tur a ni.

Mizo Cardinal Choir te hian MTV India Music Summit ah hian hla pasarih vel perform turin an inbuatsaih a. He summit hi India rama music channel lian hrang hrangah pek chhuah tur a ni.

MTV India music summit hi — Britanica, USA GoUSA.in, NESCAFE, Volkswagen, LIC (Life Insurance Corporation of India) leh Rajasthan Tourism — te sponsor a ni a. Anni bakah — Pepsi, bookmyshow, Air India, Sangeet Natak Akademi, Network18, MTV, Times of India — te chu partner ah an siam bawk.

Music summit ticket hi Single Day pass ah Rs. 3000 niin, season pass chu Rs 6500 a ni thung. Bookmyshow hmanga lei theih a siam a ni bawk.

Kum 2012-a din, Mizo Cardinal Choir hi India ram chhung bakah, ram pawn atang pawhin hriat an hlawh tan mek zel a. Member 11 awm mekin, professional choir danglam tak leh, Mizo te tana rimawi hmanga hnam zia pho lanna lama kawng sial belhtu nih tumin theihtawp an chhuah a.

Kum 2015 khan Bollywood Republic nen thawk hovin, recording leh music video anlo siam tawh a. AR Rahman hla, ‘ Rubaroo’ an lo siam tawh pawh chu Bollywood movie lar tak ‘Rangde Basanti’ theme song a ni a. India rama thalai te en nasat, Bindass Play-ah pek chhuah niin, Vh1 leh MTV ah pawh anlo pek chhuah sak tawh an ni.

Nikum khan Mizo Cardinal Choir te hi Asia Pacific Choir Game ‘Vocal Ensemble’ a Gold 3 leh Champion Trophy India tana an hlawh chhuak tawh a. Hei hi India in he inelna a a thlen san ber a la ni nghe nghe.

Kumin July tha khan khawvela Zaipawl inelna ropui ber, Tshwane, South Africa-a World Choir Game a neih ah khan Silver medal an la bawk.

Share post:
avatar
  Subscribe  
Notify of