MPCC in Sinlung Hills Council inthlanah candidate siam dawn

MPCC in Sinlung Hills Council inthlanah candidate siam dawn

LUNGLEN BUREAU, Aizawl October 7
Mizoram Pradesh Congress Committee chuan November ni 5, 2019 a Sinlung Hills Council inthlan lo awm turah Party candidate dah ni se tiin MPCC Political Affairs Committee chuan a rel.

MPCC Political Affairs Committee meeting chuan Congress kaihhruai sorkar a din laia Mizoram Sorkar leh HPC(D) ten inremna thuthlung siam a, Hmar mipuiten chak zawka hmasawnna an hmuh theih nana inremna thuthlung zulzuia Sinlung Hills Council a din chu lawmawm a ti tak zet a.

Hetianga Hmar mipuiten hmasawnna an hmuh theihna atana din Sinlung Hills Council inthlanpui lo awm hmasa ber turah pawh Hmar mipuite kan duhsakzia lantirnan Congress Party chuan candidate hranpa siamlo in HPC te candidate siam chu thlawp mai tha kan ti a. Hetianga kan party in HPC party candidate te kan thlawp theih tur thu thutlukna kan siam fel tawh hnu a HPC hruaitute leh MNF party te thawhho tuma an lo indawr reng mai chu MPCC chuan thalo kan ti a. HPC candidate te thlawp tura thutlukna kan tih fel vek tawh hnu a HPC lamin inbiakna thu kallai an bawhchhiat tak avangin MPCC chuan Sinlung Hills Council inthlan lo awm turah hian party candidate siam kan titlu ta a ni.

Share post:
avatar
  Subscribe  
Notify of