Mizo tlangval super specialist zir turin a inziak tling, India ram pumah 4-na

Dr. Malsawmkima

LUNGLEN BUREAU
Aizawl April 29, 2018

Dr. C Malsawmkima s/o Lallianthangi, Khuangleng khua chu India rama Medical Doctor-te degree neih san theih ber leh tlin har ber DM Superspecialist zir turin a tling. AIIMS-ah DM Nephrology Entrance Examination-ah General Quota-a inziak tlingin India ram pumah 4-na a ni phak.

Dr. Sawma hian 2006 khan Class XII Greenland Higher Secondary School Chaltlang atangin a pass a, MBBS a zir dawn khan Mizoram State Technical Entrance Examination 2006-ah medical line-a pakhatna niin Engineering line-ah palina a ni bawk.

All India Post Graduate/Specialist Entrance test-ah vawi ruk teh meuh mai inziak tlingin specialist hi tum 4 lai a zir hman. Țum 4 lai a zir chhan chu seat hrang hrangah duh thlan tur a neih vangin a insawn kual vel a ni ber. JIPMER-ah Surgery a zir phawt a, reilote hnuah bansan lehin MAMC DELHI-ah Surgery zir lehin chumi pawh chu a bansan leh a. JIPMER-ah Nuclear Medicine zir zui lehin chumi pawh chu a bansan leh cheu a. Chumi zawhah PGIMER-ah inziak tling lehin medicine subject chu kum 2014 khan zir țanin December 2016 khan țha takin a zo ta a ni.

PGIMER a specialist zir tura entrance a pekah All India ST ah pahnihna a ni a, JIPMER ah All India ST rank 4 niin India ram pumpui entrance NEET-ah 20-na a ni.

PG (Medicine) a zir zawh hian Medicine department-ah Senior Resident tura inziak tling leh nghalin Mizo zingah General Medicine dik tak bikah Senior Resident ti hmasa ber a ni bawk. Kum 2017 July thlaah khan Mizoram State Sawrkar hnuaiah Medical Officer (Regular Post) rawn join-in tunah hian District Hospital Mamitah MO hna a chelh mek.

Dr. Sawmkima hi nikum lamah sponsorship a dilna chu health department hotu lamin an lo hnawlsak tawh a. Zir ngei a tum ruh em vangin General Quota-in a exam ta a. A tumruhna chu malsawma awmin Mizo zinga Super-Specialist (Nephrology) General Quota-a inziak tling hmasa ber a lo ni ta a ni.

Tuna a zir tur ang zirchhuak hi Mizo zingah pathum chiah kan la nei a, Dr. Loncy, Cardiologist, Dr. Jeremy (Jerry) Oncologist leh Dr. Judy (L) Neurologist te an ni.

Share post:
avatar
2 Comment threads
0 Thread replies
1 Followers
 
Most reacted comment
Hottest comment thread
2 Comment authors
Dr. Prem Kumar.dave chhakchuak Recent comment authors
  Subscribe  
newest oldest most voted
Notify of
dave chhakchuak
Guest
dave chhakchuak

Kal [ kidney] specialit kan mamawhna a sang si a, a van tha dawn ve aw

Dr. Prem Kumar.
Guest
Dr. Prem Kumar.

Best Offer for Urgent Kidney is bought for a maximum amount of2,00,00,000.00 INR . B+ve , O+ve and A+ve match is Urgently Needed inFortis Hospital India anyone that is willing to sale His /Her one kidney should contact us immediately and will offer you all the Best MONEY and MEDICATION. We are located in India, We pay your Advance Money first before Surgery, Contact us now, WHATSAPP NUMBER : +917022546148 Email: info@fortistransplant.com
Best Regards: Dr. Prem Kumar.