Mizoram sorkarin EVM leh VVPAT khawih chingpen theih a nih loh thu a puang

Mizoram sorkarin EVM leh VVPAT khawih chingpen theih a nih loh thu a puang

LUNGLEN BUREAU
Aizawl, Sept 4, 2018
Mizoram sorkar thuchhuah chuan, Election Commission of India (ECI) EVM leh VVPAT te hi venhimna khauh tak hnuaiah dah a ni a, khawih chingpen theih a ni lo, sorkar thuchhuah chuan a ti.

Chief Secretary, Arvind Ray chuan nimin khan Mizoram Legislative Assembly Election, 2018 inbuatsaihna atan EVM leh VVPAT chungchanga mipuite inhrilhhriatna hun New Civil Secretariat, Aizawlah a hawng a, EVM hman dan enchhinna nilenga neih a ni bawk.

EVM chungchanga sorkar thuchhuahah chuan, EVM chu uluk taka venhimna hnuaiah political party hriatpuinain lak a ni chauh thin a. ECI EVM leh VVPAT hi khawl dang Computer, TV, Laptop etc nen thlunzawm theih a ni lo a. EVM chu part chi 3 – Control Unit, Ballot Unit leh VVPAT inzawm a ni, a ti bawk. Control Unit hi vote thlak zawh veleh Presiding Officer in a lo hmet ve zel ang. Ballot Unit chu vote thlakna a ni a, vote duh zawna button hmeh tur a ni a. VVPAT bawmah paper-in a rawn in print ang a, hei hi second 7 chhung en theih a ni. Vote Slip hi VVPAT bawm chhungah a tlakhawm vek a ni, sorkar thuchhuah chuan a ti bawk.

Hetih lai hian, nimin khan B Malsawmtluangi, Election Officer, Siaha District chuan DC Office Complex atangin Siaha District Mobile Polling Stations Van a vailiam. Mizoramin inthlan pui a hmachhawn turah hian hmun tinah VVPAT hman tur a nih thu leh, he khawl hmang hian vote thlaktuin a vote ngei kha khawlin a chhinchhiah a ni tih a hmu thei tawh dawn tih a sawi.

Share post:
avatar
  Subscribe  
Notify of