Mizoram Badminton-in Police team hlawhtlinna lawmpui

Mizoram Badminton-in Police team hlawhtlinna lawmpui

LUNGLEN SPORTS
Mizoram Badminton Association chuan nimin khan Thakthing Veng Zawlbukah All India Police Badminton Championship-a champion Mizoram Police team hlawhtlinna an lawmpui.

Pu H Lalnusiama’n inkhawm kaihruaiin Mizoram Badminton President Pu C Zorammuana chuan player thawhrimna leh hlawhtlinna avangin lawmthu a sawi a, Police hotu lianten player-te lawmpuina hun an hmanpui avangin a lawm hle bawk a ni.

October ni 22 atanga ni 26 chhungin New Delhi-ah All India Police Badminton Mens Open Single-ah Inspector Samuel Lalnunmawian Gold a la a, Mens Doubles-ah Samuel Lalnumawia leh Lalmuanpuia ten Gold an la a, Mens Open 45 plus Single-ah K Lalhmachhuana’n Gold a la a, Mens Open 45 plus (+) Double-ah Lalthanzuala leh K Lalhmachhuanan gold dawngin GO 45 Plus (+) Double-ah Senior SP Zosanglina leh Dy SP K Laltluangliana ten gold an la bawk a ni.

Mizoram Police team hian a vaiin Gold Meda l7 Solver 1 leh Bronze 2 an hlawh chhuak a, a pumpuiah team champion lawmman an hawn.

Mizoram Boxing chuan Mizoram Police bakah NE Inter State Badminton Championship, Dimapura neih zawh tak leh 1st North East Olympic, Imphal-a khelh zawh taka medal te lawmpuina hun a hmang nghal bawk a ni.

Share post:
avatar
  Subscribe  
Notify of