Man Utd-in title ni lovin palina an beisei

Man Utd-in title ni lovin palina an beisei

LUNGLEN SPORTS
Manchester United manager Jose Mourinho chuan tun dinhmuna an tum ber chu English Premier League title ni lovin palina nih phak a ni, a ti.

Patiatnaa awm mek United-in point ngain Champions League khel thei hniam ber leh palina ni mek Arsenal an pha lo va, hmahruaitu Manchester City aiin point kuain an hniam bawk.

Season liam taa pahnihna United-in tun season-ah beisei pha lo takin kum bul an tan a, chutih laiin tlawm nei lovin league vawi thum an khel zawn mek a, Red Devils boss Mourinho chuan an dinhmun tawn mekah a sang pali zingah an tel lo va, title sawi ngam chi an ni lo tih a sawi.

Palina an luah phak hunah a aia sang an thlir thei chauh dawn a, tunah chuan an khelh hmabak, an hun tawn mek leh player inhliam, hrem tuar leh an khelh chhoh dan hrim hrim atangin December thla tawp lam chuan tun aia hmasawn leh sang zawka inhun ngei tuma an beih a tul hle a ni, a ti.

United-in tunlaia khel tha tak leh paruknaa awm mek Bournemouth tlawhin zanin tlai dar 6 atangin an khel a, an chak a nih chuan palina hnaih turin hun tha an nei zui thei ang.

Hetih lai hian tun season a tawp rualin tunlaia United player zinga khel tha tak Anthony Martial chuan contract a hmang zo dawn a, French forward hian a hmain Old Trafford Club chhuahsan a duh thu a sawi tawh bawk a, a hma lam hun a chiang lo hle a ni.

Mourinho chuan Martial kawl zui ngei a duh a, club-in a mamawh tak zet a, a cham zui zel a beisei tih a sawi.

Martial hian a khelh hnuhnun vawi liah United tan goal li a khung a, season liam ta khan inelna hrang hrangah vawi 45 khelin goal 11 a thun a ni.

Share post:
avatar
  Subscribe  
Notify of