Mamitah RMSA buatsaihin Children Science Congress buatsaih

Mamitah RMSA buatsaihin Children Science Congress buatsaih

LUNGLEN BUREAU
Aizawl, September 25, 2018
Rashtriya Madhyamik Shiksha Abhiyan (RMSA), Mamit district bultumin vawiin khan Mamit district chhunga Middle School leh High School naupangte tan I&PR Conference Hall, Mamit-ah District Level Children Science Congress buatsaih a ni.

R. Lalnunthari, District Programme Coordinator, RMSA, District Education Officer, Mamit District ni bawkin khuallian niin he hun hi a hawng a. Zirlai kalkhawmte chu eng hna pawh thawk dawn se, hlawhtling turin taihmak a ngai tih a hrilh a. An thiamna leh finna tat hriama vantlang chung lam ni tura nasa taka beih a ngaih thu a sawi a. Lehkha chhiar tam tura fuihin, “Tuna kan thu hriatte hi nakin lawka history a nih dawn avangin zirlai piah lamah lehkhabu tha leh chanchinbute chhiar tam tur a ni,” a ti bawk.

Children Science Congress thupui hi ‘Science, Technology & Innovation for a Clean, Green and Healthy Nation’ tih niin Category pahnih, Junior leh Senior-ah then a ni a. Junior Category-ah hian lawmman 1-na Presbyterian English Medium School, Mamit-in dawngin 2-na hi Govt. Middle School I-in an dawng a, 3-na chu Govt. Middle School II an ni a. Senior Category-ah 1-na chu Presbyterian English Medium School-in dawngin Govt. Mamit High School leh New Diamond School ten an dawt a. Lawmman 1-na hian Rs 5000/-, 2-nain Rs 4000/- leh 3-na hian Rs 3000/- an dawng a, school tel zawng zawngten Consolation Prize Rs 2000/- theuh an dawng bawk.

Children Science Congress hi L.S.Lalthanpuii, Co-ordinator, RMSA-in kaihruaiin Mamit district chhunga School 10 an tel a ni.

Share post:
avatar
  Subscribe  
Notify of