Mamitah mental health chungchang inzirtirna leh free clinic buatsaih

Mamitah mental health chungchang inzirtirna leh free clinic buatsaih

LUNGLEN BUREAU
Aizawl, September 26, 2018
National Mental Health Programme, Mizoram buatsaihin vawiin khan CMO Office, Kumtluang Hall leh OPD Center District Hospital Mamit-ah Mental Health chungchang inzirtirna leh Free Clinic Campaign neih a ni a. Dr. Zothankhuma Chief Medical Officer, Mamit district chuan khuallian niin a hmanpui.

Khuallian chuan khawvel pumah kum tin mi nuai 8 vel mahni intihlum anga chhut a nih thu leh a chhan ber chu rilru lam harsatna leh ruihhlo vang a nih thu a sawi a. “Tun dinhmunah khawvela naupang leh tleirawl 20℅ vel hi rilru lam harsatna/natna nei anga chhut an ni,” tiin rilru lama harsatna nei enkawlna kawngah khawtlang mipui nena thawhho that a pawimawh a, hetiang lam natna neite hi en hrang lova mi pangngai anga ena hmangaih leh dawhthei taka enkawl chuan khawtlang tan mi tangkai tak an nih theih thu a sawi.

Dr. Robert L.Khawlhring, State Nodal Officer, NMHP pawhin thu sawiin Mizoram chhunga district pariatah District Mental Health Programme a awm tawh thu sawiin rilru lam natnate hi natna dangte anga enkawl leh tihdam theih a nih thu a sawi.

Awareness Campaign-ah hian Dr. Robert L.Khawlhring bakah Lalhmingmawii, Clinical Psychologist; Angela Zohmingthangi, Psychiatric Social Worker; Zothansangi, Counselor ten thupui thlan chhuah hrang hrang hmangin kalkhawmte zirtirna an pe a. Rilru lama harsatna neite tan a thlawna inentirna buatsaiha inentirte hnenah a thlawnin damdawi an sem bawk.

He hun hi Dr. Lalsiama Tualzik, Pediatrician-in kaihruaiin Mamit khawpui chhunga MHIP Branch hrang hrang hruaitute bakah khawpui chhung branch hrang hranga YMA hruaitute an tel.

Share post:
avatar
  Subscribe  
Notify of