Mamitah ei tur tha chungchang inzirtirna hun hmang

Mamitah ei tur tha chungchang inzirtirna hun hmang

LUNGLEN BUREAU
Aizawl, September 26, 2018
Extension Training Centre (Kolasib) SIRD&PR leh Mamit ICDS, Social Welfare Department tangkawp chuan vawiin khan DPRC Conference Hall, Mamitah ‘Ni khat awh hriselna leh ei tur tha inzirtirna hun’ (One Day Awareness Programme on Rashtriya Poshan Maah) an buatsaih.

He hun kaihruaitu, C.Lalrinpuii, District Programme Officer, ICDS, Mamit chuan inzirtirna hun buatsaih chhan chu India ramah ei tur hrisel leh tha ei loh vanga naupangten nasa tak tuarin hei hi Central sorkarin ngai pawimawhin September thla pum chu ‘Nutrition Month’-ah a puan thu leh hei hian a tum chu kum 2020-ah tun aia 35℅ tala he harsatna tawh mek tihkiam beisei a nih thu a sawi.

T.Lalchhanhimi, Faculty, Extension Training Centre, Kolasib-in ‘Hriselna leh ei leh in tur tha’ tih thupui hmanga zirtirna pein Lalhmachhuani Sailo, Protection Officer, District Child Protection Unit, Mamitin ei leh in tur siam dan thianghlim leh hrisel tih chu a taka entirin a zirtir bawk.

Training-ah hian Mamit district-a khaw hrang hranga Anganwadi Worker kalkhawmin kalkhawmte hian Poshan Maah thutiam, ‘Ei tur tha ram hmasawnna’ tih chu an chhiar chhuak bawk.

Share post:
avatar
  Subscribe  
Notify of