Mamit bul Dampui  khua atanga bo Pi Rangkungi zawn zel a ni

Mamit bul Dampui  khua atanga bo Pi Rangkungi zawn zel a ni

MAMI CHAWNGTHU, MAMIT

November Ni 17.2018 a Dampui  khua (Mamit khawbul) atanga bo Pi Rangkungi Kum 82 zawn hna chu ngawrh taka kalpui chhunzawm zel a ni.

Pi Rangkungi hi November ni 17 khan a vahnu Pi Rinchhungi te In atanga a chhuak chu vawiin thlengin a awmna chin hriat ala ni lova, a zawn hna hi Sub-Headquarters YMA ruahmanna in thawh a ni. Ni 17 tlai lamah hian a chhungte chuan an zawng tana an hmuh mai loh avangin zanah khawtlangin an zawng ta a ni. A tuk Pathianni ah pawh Dampui khawtlang chuan zawn chhunzawm lehin ngawrh takin Pi Rangkungi hi an zawng a, an hmuh tak mai loh avangin Thawhtanni atang khan Sub-Hqrs YMA chuan Mamit khawpui chhunga Branch hrang hrangte mibo zawn hnatlan dan tur ruahmanna an siam ta a ni.

Thawhtanni khan Mamit atangin Luangpawl Branch YMA leh Lungsir Branch YMA. Thawhlehni ah Chhimveng Branch YMA leh Bazarveng Branch YMA. Nilaini ah Venghlun Branch YMA leh Hmarveng Branch YMA ten hnatlangin mibo zawn hna hi an thawk a, he chanchin buatsaihlai hian hmuh ala nilo.

Pi Rangkungi hi amah khawsa a nia, tlema rilru lama harsatna a neih tak avangin a vahte hnenah a awm a, a awmna te hi nau neia Aizawl lama an awm hlan in a vahnu tho Pi Rinchhungi W/o HD. Lalrawnliana te hnenah a awm a ni. Pi Rinchhungi hian bualfaiin a bual zawh hian a leng chhuak a, a chhuah hian Dampui khua vengchung lamah hmuh a ni a, heibak hi chu hmuh chhunzawm a ni ta rih lova, a hnuhma pawh hmuh tur a awm lo a ni.

Vawiinah hian Dampui khaw chhehvel dapin Venghlun Branch YMA leh Hmarveng Branch YMA  Mamit ten an zawng leh a ni.

Share post:
avatar
  Subscribe  
Notify of