League khelh 12 chak zawn PSG-in record an siam

League khelh 12 chak zawn PSG-in record an siam

LUNGLEN SPORTS
Paris St-Germain chuan zirtawpni zana an mikhual Lil lakah 2-1 in hnehna an chang a, league khelh 12 chak zawnin European record an siam.

1960-61 season khan khelh 11 Tottenham an chak zawn a, Europe-a football league lian panga zinga chak zawn rei ber an ni reng a, kum 58 hnuah French champion PSG-in an khum ta a ni.

PSG-in goal an khung mai thei bik lo va, minute 70-ah Kylian Mbappe chuan nalh takin a pet lut a, season kal mek inelna hrang hrangah vawi 11 a khel tawh a, goal 13 khungin mualneitu team harsatna a su kiang.

Minute 84-ah Neymar chuan PSG hmahruaina tichhahin a thun ve leh a, minute 90 hnuah Nicolas Pepe chuan Lil tan si khat a sut then na a, kawng dika kir leh turin hun tha an nei zui tawh lo.

Tun dinhmuna an elpui ber Lil an hneh rualin PSG-in point 11-in hma an hruai fal nghal a, season tan atanga league vawi 12 an khelhah chak vekin point 36 an thawk chhuak a ni.

Pahnihna Lil-in point 25 an kawl a, pathumnaah Monpelia awmin chawlhniah Marsei an mikhual dawn a, an chak a nih chuan khelh 12-ah point 25 tho thawk chhuakin goal difference hmangin Lil an lehpel thei dawn a ni.

Share post:
avatar
  Subscribe  
Notify of