Lawngtlai dsitrict MiMIR inelnaah Sangau khua tha ber

Lawngtlai dsitrict MiMIR inelnaah Sangau khua tha ber

LUNGLEN BUREAU
Aizawl, August 21, 2018
Lawngtlai district huam chhunga My Project, My NEDP – Mipui Mamawh Intawm Ruahmanna (MiMIR) hnuaia khua/VC hrang hrangten project an siam zingah Sangau khuain project an siam, Phawngpui Tourism Development Project chu tha berah thlan a ni.

Lawngtlai district chhunga project siam inelnaah hian project proposal 44 a lut a, hengte hi District Level Committee under My Project, My NEDP – Mipui Mamawh Intawm Ruahmanna (MiMIR) chuan MiMIR inkaihhruaina zulzuia an endik hnuah August 10, 2018 khan a tha zual 10 an thlang a. Heng project tha zual 10-te hi a siamtu khuaten nimin khan committee hmaah an project nihphung an sawi fiah tawh bawk.

Nimina project sawi fiahnaah hian khaw pahnih an inhnukdawk a, 8 chiah an inlan a. Vawiin khan District Level Committee under My Project, My NEDP – Mipui Mamawh Intawm Ruahmanna (MiMIR) chu an Chairman, Lawngtlai Bawrhsap N.Chakhai, MCS hovin a office chamber-ah thu khawmin a project tha 8 atang hian an district chhunga a tha ber an thlang a, DC hian result a puang a ni.

Sangau khuain project an siam hi a concert department nen enhovin detailed project report an siampui ang a, a tihhlawhtlin nan MiMIR atangin Rs. Nuai 100 an dawng dawn a ni.

Share post:
avatar
  Subscribe  
Notify of