Kolasib District Sports & Youth Services Office kaihhruaiin faina beihpui thlak

Kolasib District Sports & Youth Services Office kaihhruaiin faina beihpui thlak

LUNGLEN BUREAU
Aizawl, September 14, 2014
Swachh Bharat Abhiyan hnuaia khawpui fai inelna kal zelah vawiin khan District Urban Development & Poverty Alleviation Office, Kolasib bultumin District Sports & Youth Services Office, Kolasib kaihhruaina hnuaiah Cleanliness Drive neih a ni.

K.Lalthlengliana, DSYO Kolasib kaihhruaia DC circuit house tual, Banglakawna flag off programme tawi hman chu Kolasib Bawrhsap Dr. Arun.T, IAS chuan hmanpuiin faina kawnga theihtawp chhuaha khaw fai nih chu khua leh tui thate tih tur leh mawhphurhna a nih thu a sawi.

Cleanliness drive-ah hian Sports Department hnuaia peng hrang hrang – MSSC, District Sports Committee, Scouts & Guides, NCC, NSS leh NYK te bakah Kolasib Ex-Servicemen League te an tel.

Kalkhawmte hi group thuma inthenin Banglakawn atanga tanin Diakkawn thlengin cleanliness drive hi neih a ni a. Regional Sports Complex, Kolasib pawh hnatlangte hian an tifai nghal bawk.

Share post:
avatar
  Subscribe  
Notify of