KOLASIB DISTRICT E-ROLL 2018: Tripura Transit Camp-a awm mek Bru voter 1,749

KOLASIB DISTRICT E-ROLL 2018: Tripura Transit Camp-a awm mek Bru voter 1,749

LUNGLEN BUREAU
Aizawl, September 27, 2018
Kolasib District Election Officer Dr. Arun T, IAS chuan vawiin khan Kolasib DC Conference Hall-ah Kolasib district huam chhunga Assembly constituency pathuma Electoral Roll buatsaih, 2nd Special Summary Revision-Publication of Final Electoral Roll chu a tlangzarh a. He Final Roll-a a lan dan chuan Tripura Transit Camp hrang hranga Bru awm mek vote nei zat chu 1,749 an awm.

Kolasib district huam chhunga electoral roll tharah hian Tuirial bialah voter 16,809 awmin mipa 8,287 leh hmeichhia 8,522 an ni a. Kolasib bialah voter 21,441 awmin mipa 10,239 leh hmeichhia 11,203 an ni a. Serlui bialah voter 18,906 awmin mipa 9,306 leh hmeichhia 9,600 an ni.

District puma vote neih zat chu 57,157 an ni a, vote nei zawng zawngte hi Epic Card pek vek an ni a. Roll hmasa atanga punna chu voter 762 a ni a, 1.35% a ni bawk a. Tripura Transit Camp hrang hranga awm mek, bial pathum (3)-a Bru vote nei awm zat hi 1,749 an ni a. Kolasib district-a Constituency pathum (3) awmah hian Polling Station 81 a awm a ni.

Roll thar tlangzarh tak copy hi he huna kalkhawm political party hrang hrangte hnenah pek chhuah nghal a ni a, Kolasib District election website, deokolasib.mizoram.gov.in-ah district huam chhunga election kaihhnawiha hmalakna hrang hrang bakah polling station hrang hrang leh thil dang tul leh pawimawhte chu dah a ni bawk.

Tlangzarh inkhawmah hian District Level Standing Committee Member te bakah political party hrang hrang aiawhte an tel a ni.

Share post:
avatar
  Subscribe  
Notify of