Khelo India weightlifting-ah Jeremy-a hovin Mizoram a che tha

Khelo India Youth Games-ah Jeremy Lalrinnunga leh Jacob Lalrintluanga’n gold leh silver medal lain Mizoramin weightlifting atangin medal panga a la tawh.

Youth Olympics-a gold medal latu Jeremy-a chuan kg 67 huangah inelna a hmachhawn a, kg 122 char nghalin awma dah phawta chawi kanaah kg 156 a thei bawk a, a vaiin kg 278 a chawi a ni.

Kum 17 chinah Jacob Vanlaltluanga’n kg 61 huang atangin gold medal a awrh bawk a, a vaiin kg 253 a chawi kang. Kum 21 chin inelnaah Jacob-a hian silver medal a dawng tel bawk a, Jeremy-a nen Mizoram tan gold leh silver pakhat ve ve an thawk chhuak.

Kum 21 chinah Zakhuma’n kg 254 a chawi a, gold medal dawngin kg 114 a char nghal thei a, awma dah phawta chawi kanah kg 140 a thei bawk a ni.

Weightlifting-ah hian Mizoram aiawhin mi pasarih an tel a, kum 17 chin kg 61 huangah Lalhuthara chu palina a ni a, medal a la pha lo chiah a ni.

Khelo India Youth Games hi niminah Pune-ah Prime Minister Narendra Modi chuan a hawng a, India ram puma kum 21 chin leh kum 17 chin infiammi tha ber ber fuankhawmin Mizoram atangin infiammi 116 an tel.

Chef-de-Mission Pu C Lalremsanga’n hruaiin ani nen hruaitu 24 an kal tel a, mi 140 awmna Mizoram contingent an feh chhuak mek a ni.

Share post:
avatar
  Subscribe  
Notify of