Joseph Himpuia’n kuttualleichham leh mi harsa zawkte chenna tur, Chhumchhe In a hawng

Joseph Himpuia'n kuttualleichham leh mi harsa zawkte chenna tur, Chhumchhe In a hawng

LUNGLEN BUREAU
Aizawl, October 2, 2018
Joseph Lalhimpuia, Lunglei East bialtu MLA leh Chairman, Mizoram Youth Commission chuan Rs. Nuai 2 senga sak, ‘Chhumchhe In’ Electric Veng Branch YMA, Lungleiin kuttualleichham leh mi harsa zawkte chenna atana ram an peka sak, ‘Chhumchhe In’ tia a hming an vuah chu tukin khan a hawng.

Chhumchhe In hawnna inkhawm, Lalthlamuana, President, Branch YMA, Electric Veng kaihhruaiah Joseph Lalhimpuia chuan YMA-in phal tak an ram an pek avangin lawmthu a sawi a. Building lianpui pui hawn leh lung phum lo nei nual tawh mah se Chhumchhe Inah hian mi harsa zawkte thlamuang taka an chen theih dawn avangin hawn a châk thu a sawi bawk.

Bialtu MLA chuan YMA leh khawtlang mipuite thawhhona leh lungrualna avangin Electric Veng chhungah hmasawnna tam tak hmuh theiha a awm thu a sawi a, heng hmasawnnate hi hmang tangkaia neitu rilru pu theuh turin a chah bawk.

Chhumchhe In hi a dung 24ft leh a vang 12ft niin Joseph Lalhimpuia’n MLA Fund a thawh leh YMA tha eng emaw zat senga sak a ni.

Joseph Lahimpuia hian tukin vek khan Electric Vengah hian NEDP Model Road siam tur chu a bul tanna khawtlang hruaitute nen an nei nghal a. Model road awmna tur hi step ulh niin kal harsa tak a ni a, a awlsam phah nan chhungkaw eng emaw zatin anmahni ram sat thlain lirthei tlan theiha siam a ni dawn a. NEDP kaltlanga thawh tur niin metre 150-a thui a ni ang.

Share post:
avatar
  Subscribe  
Notify of