INTERVIEW : “Ni khatah darkar 10 chuang lehkha ka zir” Lalremsiama, topper HSLC, 2018

LUNGLEN BUREAU
Aizawl May 3, 2018

A pa Vanlalpeka chuan nikum December thla khan a boral san a, lehkha zira a inbuatsaih lai hi an chhungkaw hun tawn harsat lai ber a ni, a nu hian a u leh naute pahnih nen a enkawl a, pa tel lova chhungkaw enkawl harsatna hriate chuan Remsiama nu tawng mek leh tawn tur chu an hrethiam ngei ang. An chhungkaw chanchin hi ziah teuh ngai lovin a chiang mai awm e.

St. Paul HSS atanga HSLC examination-a pakhatna Lalremsiama Darchhun chuan a hun hmalam tur sawiin Nuclear Engineer nih a tum thu a sawi. Kumin matric result chhuakah hian Lalremsiama leh Rotal Philem, Mt. Carmel School te chuan mark inzah hmuin pakhatna nihna an intawm.

A sikul kaina kawng ringawt pawh a hla tham hle a, Tanhril atanga Tlangnuam nitin mai han pan chu taimak a ngai tih a chiang, chumi piah lamah zirna lamah a taima tel a, ni khatah darkar 6 chuang lehkha a zir thin.

Mizoram pumpuia matric-a pakhatna a ni tih a inhriat hnua Lalremsiama kawmna:

Ni khatah darkar engezatnge lehkha i zir thin?
Matric exam tur khan kumin kumtir lam February atang khan tih takzetin ka inbuatsaih tan a, a tir lamah khan ni khatah darkar 6 vel ka zir a, exam a hnaih chhoh tawh phei kha chuan ni khatah darkar 10 chuang te ka zir thin. Ka zirlaite kha ka tan thil thar a awm lem lova, ka ennawn a ni deuh ber.

Pakhatna i ni tih i hriatin engtinnge i awm?
Ka thiante’n min rawn hrilh a, mak ka ti a, ka lawm a, ka lawm dan kha ka sawi thiam chiah lo, ka au chiam chiam a, ka nutei a lokal a, kan lawm lutuk chu kan inkuah a, engtin chiah nge ka awm pawh ka hre chiang lo, sawithiam theih pawh a ni lo.

Enge nih i tum ber?
Ka naupanlai atangin Nuclear Engineer nih hi ka chak ber a, nih ngei pawh ka tum. Class XI ah chuan Science ka la ang a, Mathematics subject lak tel ngei ak tum bawk a, mahni tawng Mizo subject ngei ngeiin ka la tel bawk ang.

Share post:
avatar
1 Comment threads
0 Thread replies
1 Followers
 
Most reacted comment
Hottest comment thread
1 Comment authors
Devraj Recent comment authors
  Subscribe  
newest oldest most voted
Notify of
Devraj
Guest
Devraj

Engzah percent nge a hmuh?