Inter District Muaythai-ah Dawrpui an sang ber

India Cup-ah Mizo teakwondo team pahnihna 1

LUNGLEN SPORTS
Inrinni khan Ramhlun Indoor Stadium-ah 1st Inter District Muaythai Championship zawh fel a ni a, Aizawl district an sang berah club malah Dawrpui an che tha ber.

Dawrpuiin gold 12, silver 8 leh bronze 4 lain medal 24 an dawng a, Falkland-in gold 7, silver 4 leh bronze 6 dawngin medal 17 an la ve thung a, St Joseph-in gold pathum nen medal pariat an dawng a, a pumpuiah pathumnma niin, palina Venghluiin gold pathum leh silver pakhat an la a ni.

Aizawl district an chungnung hle a, club mala titha ber atanga parukna thlengin Aizawl team vek an ni a, pasarihnaah Zobawk awmin gold leh silver pahnih ve ve an la a, Zobawk vang hian district inelnaah Lunglei chu a pumpuiah pahnihna an nih phah a ni.

District paruk- Aizawl, Lunglei, Saiha, Serchhip, Kolasib leh Champhai atangin player 154 an tel a, weight hrang 28 awmin a vawi khat nan Demonstration leh Wai Kru hmanga inelna an buatsaih a, Medal 99 an sem chhuah a ni.

Best Fighter-ah Hunthar tlangval Joseph Vanlalhruaia, Dawrpui Club thlan a ni a, Best Discipline team lawmman St.Joseph School-in an dawng a, Wai Kru leh demonstration team inelnaah Dawrpuiin medal an la fai vek a ni.

Mizoram Cooperative Apex Bank Chairman Pi T Lalmuanpuii chuan khuallian niin championship kharna inkhawm a hmanpui a, nu leh paten an faten infiamna an tuipui an tuipui ve tur a ni a, sual lama a kal loh nan mai ni lovin an hlawhtlin theih nan a pawimawh takzet a ni, a ti.

Share post:
avatar
  Subscribe  
Notify of