India Cup-ah Mizo teakwondo team pahnihna

India Cup-ah Mizo teakwondo team pahnihna 1

LUNGLEN SPORTS
India Cup Open International Taekwondo Championship hmasa berah Mizoramin gold 30 nen medal 50 a dawng a, a pumpuiah pahnihna a ni.

Sichar-ah championship thlengtu Assam an che tha ber a, Mizoramin dawtin gold 30 bakah silver pariat leh bronze 12 a la a, pathumnaah Manipur an awm a ni.

India rama state hrang hrang bakah ram dang panga Bhutan, Bangladesh, Uzbekistan, Nepal, leh Afghanishtan atangin team an tel a, ni thum awh niin nimin khan an zo.

Mizo player-te inkhelin mipui lawm a hlawh hle a, Best Kyorugi Team lawmman an lak bakah Daniel Lalhumthanga, Chhinga Veng leh Arjun Pandey, Armed Veng South chuan Best Poomsae Award an dawng a, Lalfakzuala, Hlimen chu Best Poomsae Player a ni a, Zaihruaimawii, Mission Vengthlang hnenah Youngest Player Award hlan a ni bawk.

Taekwondo Federation of India-in a ruat angin Master Joseph Thansanga chu referee chairman a ni a, national refree pahnih Tv Alan Z Rosema leh Nl Vanlalhmangaihthangi te chu official an ni bawk a ni.

Share post:
avatar
  Subscribe  
Notify of