High School zirlaite hnenah faina chungchang zirtir

High School zirlaite hnenah faina chungchang zirtir

LUNGLEN BUREAU
Aizawl, August 30, 2018
Swachh Bharat Mission (Urban) hnuaia Lawngtlai khawpui faina awareness campaign sub-committee buatsaihin vawiin khan Lawngtlaia Govt. Southern Public High School-ah fai inzirtirna hun hman a ni.

He hun hi RMSA Dy. DPC H.Vanlaltanpuia’n a kaihruai a. Sub-Committee Members’ Secretary, Lawngtlai DIPRO C.Lalhruaitluanga’n faina chungchang zirtirin Lawngtlai khawpui chu khawpui fai taka siam tura zirlaite mawhphurhna a sawi a. Zirlaite chu rilru fai tak leh fai duhna rilru pu turin a chah.

Vawiina hun hman hi Mizoram Khawpui Fai Inelna 2018 kal chho mek atana hma lakna pakhat a ni a. Sub-Committee hian sikula kalchilha zirlaite hnena fai an zirtir bakah faina chungchang thuziak siamin Lawngtlai khawpui chhunga Kohhran hrang hrang thalai leh naupang pawl inkhawmah chhiar chhuah turin an pe bawk.

Share post:
avatar
  Subscribe  
Notify of