Guangzhou R&F-in Dembele an lei

Guangzhou R&F-in Dembele an lei

Tottenham-in midfielder Mousa Dembele an hralh a, Chinese Super League side Guangzhou R&F chuan pound maktaduai 11 sengin an lei.

Kum 31 mi Dembele hian tun season a zawh rualin Tottenham-a contract a neih a hmang zo dawn a, Spurs-in hralh chhuak thei tura hun tha an neih hnuhnun berah an hralh.

Dembele chuan a hlim takin club thar a zawm dawn tih a sawi a, a kalsan tak club chu a hmangaih hle tih a sawi a, inrem tlang taka hmun danga a insawn thei tur chu a hlu hle a ni, a ti.

Tottenham-in sum sen tihtlem nan an squad tihtlem an tum a, khelhna hmun chang lo Dembele chuan hlawh tam zawk a lak theih dawn bakah Guangzhou R&F-ah mumal zawkin hmun a chang thei dawn a ni.

2012 khan Tottenham-in Fulham atangin pound maktaduai 15-in Dembela an lei a, London hmar veng club-a a cham chhungin vawi 250 a khel a, tun season-ah erawh tum 13 chiah a inlan a ni.

Share post:
avatar
  Subscribe  
Notify of