Govt Champhai CollegeAnnual College Week khar

Govt Champhai CollegeAnnual College Week khar

LUNGLEN BUREAU, Aizawl 4th October
Vawiin khan Govt Champhai College in kum tina an huaihawt thin Annual College Week chu khar a ni a, he hun Govt Champhai College Multipurpose Hall-a neih hi Dr ZR Thiamsanga Champhai North bialtu MLA leh Vice Chairman Health & Family Welfare Board ni bawk chuan Khuallian niin a telpui a ni.

Khuallian chuan Government Champhai College chu College hmingtha leh chhuanawm tak Zirlai tam tak lo chherchhuak tawhtu anih thu sawiin, tun dinhmunah NAAC Assessment tha tak neia Mizorama college zinga hmasawn leh changtlung ber pawl a ni, a ti a. College tihmingthatu Zirlai leh Zirtirtute thawhhona chu fakin College mamawh angte abik takin Zirtirtu indaihlohna te pawh a tul ang zela sawrkarin hma a lak thu a sawi a.

Dr ZR Thiamsanga chuan taksa sawizawina leh infiamna hmangin non communicable diseases Thisen sang, Zunthlum, Lungna te a pumpellh theih ani, a ti a. Zirlai thalai kalkhawmte chu nundan uluk zawha hriselna lam ngaipawimawha ruihhlo leh a kaihhnawih laka inthiarfihlim turin a chah a. Mizo te zingah ei leh in uluk tawk loh leh ruihhlo vangin cancer a pung nasat thu sawiin, nun hrisel kawng zawh a pawimawh a ni, a ti.

Champhai North bialtu MLA chuan Mizoten zirna lama tan kan lak thar leh a hun takzet thu sawiin, zirlaite chu tum nei reng chunga lehkha zir tura chahin, a bial chhungah zirna lama beiseiawm puih ngai an awm phawt chuan tanpui a inhuam thu a sawi a. Tumna awm chuan kawng a awm ani tih hre thar leha Mizoram level mai bakah All India level services hrang hrangte zawm thei tura fuihin, Zirlai kalkhawmte chu nakin lawka Champhai leh Mizoram tana nghahfak an ni tih inhre turin a chah bawk a ni.

He hun Vanlalmuanpuia, Vice President, SU kaihruaiah hian Pu P.Lalhmingliana, Principal pawhin thu a sawi bawk. Government Champhai College hi kum 1971 a din niin, NAAC Assessment angin accreditation B++ pek a ni a. Tun dinhmunah Zirlai 630 leh Zirtirtu 57 an awm mek a ni.

Share post:
avatar
  Subscribe  
Notify of