Dik lo taka sum hai luh theiha intlansiak lovin thil tha tih intihhmuh a hun tawh : C.Ngunlianchunga

Dik lo taka sum hai luh theiha intlansiak lovin thil tha tih intihhmuh a hun tawh : C.Ngunlianchunga

LUNGLEN BUREAU
Aizawl, August 31, 2018
AH & Vety Minister C.Ngunlianchunga chuan, “Ramin hma a sawn nan mipuiten mawhphurhna lian tak kan nei a, dik lo taka sum hai luh theih chu intlansiakna tur ni tawh lovin, thil tha tih lam intihhmuh a hun tawh zawk,” a ti.

Vawiina Lawngtlai District AH & Veterinary Officer (DVO) Quarters sak thar a hawnnaah C.Ngunlianchunga chuan tun hnaia a enkawl department, AH & Vety hnuaia hma lakna leh hma sawnna hrang hrang tar langin, “Vety department chu mipuite tan innghahna tlak department-ah din chhoh a ni,” a ti . Ramin hma a sawn nan mahni zawn theuhvah ram tana theihtawpa thawh chu khua leh tuite tih tur a nih thu a sawi bawk.

Khualzahawm LADC CEM T.Zakunga pawhin Lawngtlaiah DVO quarters thar hawn a ni chu district tan hmasawnna rahbi pakhat a nih thu sawiin sorkarin LADC huam chhunga hna tha tak tak a thawk thin chu lawmawm a tih thu a sawi bawk.

He hun hi Lawngtlai Bawrhsap N.Chakhai, MCS-in a kaihruai a. Rev. R.Lalfakawma’n hunserh hmangin, quarters thar chu Pathian hnenah a hlan a. Lawngtlai District AH & Vety Officer Dr. B.Zonghinga’n technical report a pe a, quarters thar lawmna chawhlui an kilho nghal.

DVO quarters thar hawnnaah hian LADC-a member-te, state leh LADC official-te leh mi pawimawh dang eng emaw zat an tel a. Quarters thar hi RKVY flexi fund hnuaia value addition centre sum hmanga sak a ni a, A sak hna hi AH & Vety Department-in thawkin, Rs Nuai 33.12 sen a ni a, Type-IV quarters niin a dung fit 45 leh a vang fit 30-a zau a ni a. A hmun awh zau zawng hi square fit 1564 a ni.

Share post:
avatar
  Subscribe  
Notify of