Chhim lam power tha lovah P&E-in hriatthiamna ngen; hun a la duh dawn

Chhim lam power tha lovah P&E-in hriatthiamna ngen; hun a la duh dawn

LUNGLEN BUREAU
Aizawl, August 16, 2018
Tun lai hian Lunglei khawpui atanga power pek chhuahna pahnih zinga pakhat zawk chu a chhiat avangin chhim lam chuan power an nei mumal thei lo va, hemi chungchangah hian S.E, P&E, Lunglei Power Circle chuan mipuite hriatthiamna a ngen a. A chhia hi siam tha tura hun a la ngai deuh dawn niin a sawi bawk.

Thuchhuah a siamah Lunglei, Lawngtlai leh Siaha district chawmtu, 132 Kv Substation, Khawivaa Power Transformer lian pahnih, 12.5MVA Kirloskar leh Areva awm zinga a lian zawk, Kirloskar-ah August 14, 2018 atang khan harsatna an tawh thu a tar lang a. Hei vang hian chhim bial chawmtu hi Power Transformer pakhat a ni rih a, inân chhawk a ngaih phah tih sawiin P&E Department chuan mipuite hriatthiamna a ngen a ni.

Transformer chhia hi siam that theih niin a lang lo niin a sawi a, a thlakna tur dang dap kual nghal niin a thar hman theih tura peih tur chuan hun a la duh rei dawn a, hei vang hian chhim bial lam (Lunglei, Lawngtlai leh Siaha district) te chu hun eng emaw chen inên chhawk a la ngai dawn niin a sawi a. Rualkhai zawka êng an hmuh theih nan mipuite renchem taka power hmang turin a hriattir bawk.

Share post:
avatar
  Subscribe  
Notify of