Cheryl album thar tur a ‘personal’ dawn viau; Liam Payne nena an inkar zawng zawng nen

Cheryl album thar tur a 'personal' dawn viau; Liam Payne nena an inkar zawng zawng nen

Ngaihthlak a chakawm tawh hle.

Singer Cheryl chuan a music tharah chuan a mimal nun a rawn phawrh dawn a, zaa za chu chiang takin a hringnun a rawn sawi lang dawn nia sawi a ni. One Direction member hlui Liam Payne nen pawha an inkar thlengin a rawn sawi a rinawm ta.

Kum li (4) hnua a solo album hmasa ber tur chu Cheryl hian a buaipui mek a. Buaipui ngai zualpui chu an ti zo tawh a, hah khat la hmabakin, a chulmam hna chauh thawh a ngai tawh a ni.

Report atanga a lan dan chuan, a collaborator ni a, super producer ni bawk Naughty Boy chuan ‘Fight For This Love’ hitmaker hian a hla te chu a thinlung puakchhuak atanga a ziah nia sawiin, a album tharah hi chuan a hringnun lehlam a rawn kuai hawng thawk dawn a ni.

“A mimal chanchin, a hringnun zaa za a rawn phawrhna a ni dawn a, Cheryl diktak an hriat chian theihna tur a ni dawn,” tiin Naughty Boy chuan a sawi.

“Hla i ziah lai chuan, kan hun tawna na kan tawrhna chi hrang hrang hi hla thu turah hian ngaihtuah chhuah i awlsam ka ring. Tun tumah hian singer a nihna chauh duhtawk loa amah a inrawlh tam avangin ka chhuang khawp mai. A lyrics te chuan amahah thusawi tam tak a nei a ni. A chang hi chuan, miin kan hringnuna harsatna nasa taka kan beihna te hi an hriat a tul ve thin a ni,” a ti bawk.

Fa, thla 18-a upa nei, Bear, tia a hming an sak chu, a fa avangin Girls Aloud singer hlui hi kawng tinrengah a thlak danglam a nih thu pawh a sawi.

Share post:
avatar
  Subscribe  
Notify of