Champhaiah Sector Officer ruatte pualin training nei

Champhaiah Sector Officer ruatte pualin training nei

LUNGLEN BUREAU
Champhai, October 18, 2018
Kumin inthlanpui neih tur atana Champhai District chunga Sector Officer ruatte pualin vawiin khan DC Conference Hall, Keifangtlangah Training neih a ni.

K. Vanlalthiana, Addl District Election Officer chuan Sector Officer kalkhawmte chu District chhungah inthlanna muanawm leh felfai awm theihna tura theihtawp chhuah turin a chah a. Mahni chanvo theuh felfai taka hlenchhuaka, harsatna awmte thuneitute hnena thlen zel turin a chah nghal bawk a ni.

Training-ah hian Lalremruata Kullai, Election Officer, Champhaiin Sector Officer-te chanvo leh mawhphurhna a sawifiah a. Lalbiakkila Addl SP & Nodal Officer, Police Management chuan ‘Role of Sector Officer for Maintainning Law & Order and Vulnerability Mapping’ tih hmangin zirtirna a pe a. Manesia Khaimeichho, SDC & Nodal Officer SVEEP-in EVM leh VVPAT hnathawh leh hman dan sawiin a entir bawk a ni.

Champhai District chuunga Assembly Constituency 5 chu zone thum zelah then niin avaiin zone 15 a awm a, zone tinah hian Sector Officer pakhat zel ruat an ni a, an ni hian an zone chhung theuha inthlan kaihhnawih thitih an vil dawn a ni.

Share post:
avatar
  Subscribe  
Notify of