Aussie Open zawhah Andy Murray a chawl maithei ?

Aussie Open zawhah Andy Murray a chawl maithei ?

LUNGLEN SPORTS
Andy Murray chuan kumin Wimbledon zawhah tennis khelh chawlhsan tum mah se, kar leha tan tur Australian Open chu a tan tournament hnuhnung ber a nih mai a hlauthawng.

Grand Slam-a vawi thum champion tawh Murray hian a mawngtam hliam a zaitir hnuah ngai a awh thei lo va, vawiinah Melbourne-ah a hma lam hun tur sawiin a lung a chhe hle.

Na leh hliam nei reng chungin thla li emaw thla nga emaw thleng a inkhel chhunzawm thei ang em tih a hriat bik loh thu a sawi a, a tum dan chuan kuminah Wimbledon khelh ngei a duh a, mahse, a taksa lam dinhmun atangin a khel thei dawn em tih a chiang lo hle a, a duh dan ni lo mah se Australian Open chu a khelh hnuhnun ber tur a ni maithei tih a sawi a ni.

Kum 31 mi Murray hian Australian Open first round-ah Spanish 22nd seed Roberto Bautista Agut a tum dawn a, inlan ngei a tum.

Nikum January khan a mawngtam hliam a zaitir a, June-ah khelmualah kir lehin a tum angin thil a kal tluang lo va, tun thlengin inkhel tum 14 chiah a la hmachhawn a ni.

World number one hlui Murray hian 2013 leh 2016 khan Wimbledon title a la a, 2012 US Open-ah a champion bawk. Tun thla 20 chhungin na a ngah hle tih a sawi a, dam tumin theihtawp a chhuah a, thla ruk kal ta aiin tunah a dinhmun tha zawk mah se nain a la kiansan thei lo va, a hma lam hun turah a inngaihtuah nasa hle niin a sawi.

Share post:
avatar
  Subscribe  
Notify of