Asian zinga world No. 1 hmasa ber Australian Open champion Osaka

Asian zinga world No. 1 hmasa ber Australian Open champion Osaka
Japan's Naomi Osaka holds her trophy the Daphne Akhurst Memorial Cup at Melbourne's Brighton Beach following her win over Petra Kvitova of the Czech Republic in the women's singles final at the Australian Open tennis championships in Melbourne, Australia, Sunday, Jan. 27, 2019. (AP Photo/Aaron Favila)

Naomi Osaka chuan inrinni khan Australian Open final-ah Petra Kvitova a hneh a, a vawi hnih nan Grand Slam-ah a champion bakah vawiina ranking tharah Asian zinga world number one hmasa ber a ni.

Fourth seed Osaka hian set hmasa ber a lak hnuin set hnihnaah hma a hruai a, champion theihna hun tha tum thum a bawhpelh hnuah insiam thain set thumnaah a kir leh a, 7-6 5-7 6-4 in eighth seed Kvitova-i lakah a chak.

Japanese Osaka hian a zawnin Grand Slam title a la a, September khan US Open final-ah Serena Williams a hneh a, Australian Open champion a nih hnuah lawm avangin sawi tur a hriat loh thu a sawi a, a hmain inbuatsaih lawk mah se sawi tur a theihnghilh vek a, chutih rualin Rod Laver Arena-ah final a khel thei chu chhuanawm a ti hle a ni.

2001 khan American Jennifer Capriati chuan Grand Slam title hmasa ber a lak hnua a khelh leh hmasak berah a champion leh nghal a, kum 21 mi Osaka hi Grand Slam champion a nih hmasak ber atanga champion zawn leh hmasa ber a ni.

2010 khan kum 20 mi niin Dane star Caroline Wozniacki chuan world ranking-ah dinhmun sang ber a luah a, ani hnuah hian Osaka hi world number one ni leh thei zinga naupang ber a ni a, Asian zinga tennis singles ranking-a sang ber ni hmasa ber a ni bawk.

Czech star Kvitova chuan beihna rapthlak tak a tawrh hnua Grand Slam final a khelh hmasak ber a ni ve thung a, December 2016 khan a chenna inah mi sualin Kvitova an luhchilh a, chem hmangin an hliam. Zai ngai khawpa a tawrh bakah khelmuala kir leh turin a derthawng a, a nunna hial pawh ngaihtuahawma ngaih a ni hman.

Wimbledon-a vawi hnih champion tawh, kum 28 mi Kvitova chuan, Grand Slam final a khelh leh theih a inring lo tih a sawi a, a thlen chinah a lawm a, “a tan kawng a awlsam lo hle a ni,” a ti.

Share post:
avatar
  Subscribe  
Notify of