A diltu chhuaktu nih lama tan la lova a thawk chhuaktu leh thiam nih lama kan inel deuh deuh a tul : OP-i

A diltu chhuaktu nih lama tan la lova a thawk chhuaktu leh thiam nih lama kan inel deuh deuh a tul : OP-i

LUNGLEN BUREAU
Aizawl, September 26, 2018
North Vanlaiphaiah pangang khawi lama tui mite tan workshop buatsaih a hmanpuinaah Vanlalawmpuii Chawngthu, Minister of State, Sericulture etc. chuan, “A diltu chhuaktu nih lama tan la lova, a thawk chhuaktu, a thawh chhuak thei leh thiam nih lama kan inel chhoh deuh deuh a tul hle a ni,” a ti.

Sericulture Department buatsaiha pangang khawi lama tui mite tan ‘Workshop on MUGA’ (Under IMSDP) neihah Minister chuan hmun hrang hrangah pangang khawi lama tui mite leh kut hnathawktu hlawhtlin tum tak tak hmuh tur an awm thin chu lawmawm a tih thu a sawi a. “Kan kutchhuak ngei silk atanga siam silhfen kan nei tate hi kut hnathawktute thawhrim rah liau liau a ni,” a ti.

Sericulture Minister chuan, “Sorkarin kut hnathawktute hmakhua a ngai a, bul an tanna tur tanpuina sum leh hamthatna dang tam tak a pe thin a, heng kan thil dawnte hi dik takin hmang ila, taima taka leh rinawm taka kan hna theuh kan thawh chuan hlawhtlinna kan hmu zel dawn a ni,” a ti bawk.

Workshop hi C.Rozawna, Joint Director, Sericulture Department-in a kaihruai a, Lalnunzawma, Farm Manager, KVK pawhin thu a sawi a. Pangang khawi lama tui mite an kal tha hle.

Share post:
avatar
  Subscribe  
Notify of